loader
Picha

Chama kinashinda kwa kuwa na wapiga kura siyo tume

DESEMBA 23 mwaka jana, Katibu Mkuu wa Chama Cha Mapinduzi (CCM), Dk Bashiru Ali alianza likizo ya mwaka kwa siku 10 ambapo mpaka Januari 03 mwaka huu alikuwa nyumbani kwao Bukoba vijijini, mkoani Kagera.

Ameshuhudiwa akitumia muda mwingi wa mapumziko yake, katika shughuli mbalimbali za kijamii na kisiasa, akitoa ufafanuzi na maelekezo mbalimbali ili kuimarisha zaidi chama anachokiongoza.

Kupitia mkutano wa ndani wa wenyeviti wa mitaa na vijiji wilayani Bukoba, Dk Bashiru alitoa msimamo wa chama katika kipindi hiki cha kuelekea uchaguzi mkuu, mwishoni mwa mwaka huu kwamba CCM kitafanya siasa safi, kikiheshimu maamuzi ya umma kama ambavyo kimekuwa kikifanya kwenye chaguzi nyingine. Dk Bashiru pia alitumia mkutano huo kutoa ufa-fanuzi kuhusu hoja mbalimbali za vyama vya upinzani, ikiwamo ile ya madai ya tume huru ya uchaguzi.

Alielezea hoja hiyo kuwa haina mashiko kwani jukumu kuu la tume ya uchaguzi, ni kusimamia uchaguzi na si vinginevyo kwa hiyo, chama kisipokuwa na wapiga kura, tume ya uchaguzi haiwezi kukisaidia kupata ushindi.

“CCM kinaendelea kutafuta wapiga kura kwa kusomesha wanafunzi bure, kutoa mikopo kwa wanafunzi wa elimu ya juu, kuboresha na kuimarisha huduma za kijamii ikiwamo kujenga vituo vya afya, barabara za kisasa, huduma za maji na umeme… sasa wao waseme wanatumia njia gani kupata wapiga kura na wanawafanyia nini wapigakura wao?”

Aliuliza Dk Bashiru. Alitamba kuwa mpaka sasa CCM ndicho pekee kilichoweka wazi msimamo wake wa kupinga udhalilishwaji na ubaguzi wa wanawake, katika ngazi tofauti za uongozi.

“Mara nyingi imeshuhudiwa wanawake kabla ya kugombea wakiitwa majembe kwenye vyama fulani vya siasa, lakini wakichukua fomu kwa ajili ya kugombea nafasi za uongozi, ‘wanachimbwa mkwara’ na kuwekewa kashfa nyingi, wanatishwa na hata kufanyiwa mambo ya hovyo, awamu hii CCM hakitakubali wanawake wadhalilishwe,” anasema.

Akizungumzia mchakato wa kupata wagombea ndani ya chama hicho, Dk Bashiru, anakemea tabia ya baadhi ya wanaCCM kuabudu majina ya watu, kwa imani kuwa majina ya watu hao yasipopitishwa kugombea chama hakiwezi kushinda.

Hatua hiyo imeibua ari mpya miongoni mwa wanaCCMwa maeneo mbalimbali nchini, ikiwemo Jimbo la Bukoba Mjini, ambalo ni sawa na Jimbo lisilo na mwakilishi kufuatia Mbunge wake, Alfred Lwakatare kutokuwa karibu na wananchi kwa muda mrefu, huku chama chake cha Chadema kikikosa mvuto kisiasa jimboni humo.

Alipotembelea na kukagua ujenzi wa ofisi yachama hicho kwenye Kata ya Bwanjai, wilayani Misenyi, Dk Bashiru alitaka wananchi kupuuza baadhi ya sera na kauli za viongozi wa vyama vya siasa, zinazolenga kurejesha nyuma maendeleo ya mwananchi mmoja mmoja na taifa kwa jumla.

“Viongozi tunaongoza mapambano ya kujikomboa kiuchumi, kila mtu anahitajika kuhimiza kufanya kazi kwa bidii. Kwa mfano CCM tuna kauli mbalimbali za kuhimiza hilo ikiwamo, Hapa Kazitu, Kazi na Maendeleo, Uhuru na Kazi pamoja na ile ya Kazi ni Utu.”

“Ajabu ni kwamba kuna vyama vinahubiri kazi na starehe… hapa ndipo mnapoweza kuona tofauti kati ya ‘chama kiongozi’ na ‘vyama vya uchaguzi,” anasema Dk Bashiru. Kauli za aina hiyo alizitafsiri kuwa kauli za kipumbavu, akaomba Watanzania kuzidharau kwa sababu zinatolewa na viongozi wasiokuwa na nia njema na taifa, wenye hulka ya kulaghai umma kwa kutumia siasa nyepesi.

Nao viongozi wa chama na serikali, walipewa maagizo anuai ikiwamo agizo kwa wakuu wa mikoa na wilaya, kuhakikisha wafanyakazi, wahudumu na mafundi kwenye miradi yote inayotekelezwa na serikali, ambayo imeshapelekewa fedha na serikali kuu wanalipwe haki zao kwa wakati.

Agizo hilo lilifuatia hatua yake ya kukagua mradi wa ujenzi Hospitali ya Halmashauri ya Wilaya ya Bukoba, ambao pamoja na kuwa katika hatua za mwisho, alipokea malalamiko kutoka kwa wafanyakazi wa mradi huo kwamba hawakuwa wamelipwa fedha zao.

Dk Bashiru pia alihimiza utekelezwaji wa azimio la Halmashauri Kuu ya Taifa, linalotaka kamati za siasa za mikoa na wilaya, kuwasilisha maoni yao kabla ya Januari15 mwaka huu, kwa ajili ya kukamilisha Ilani ya uchaguzi na mwelekeo wa Sera za CCM 2020-2030.

Alivitaka na vyama vya upinzani pamoja na makundi mengine ya kijamii, kutoa maoni yao ili yaingizwe kwenye ilani yaCCM kwa sababu kutokana na kasi ya uongozi na ubora wa huduma zinazotolewa na serikali inayoongozwa na chama hicho, hakuna ubishi kwamba kitashinda katika uchaguzi mkuu ujao, baadaye mwaka huu.

Ikumbukwe kuwa, katika Kikao cha Halmashauri kuu yaTaifa iliyofanyika Desemba, Mwenyekiti wa CCM na Rais wa Tanzania, Dk John Magufuli, alitoa hotuba ya ufunguzi wa semina ya wajumbe hao iliyoonekana kusisimua wajumbe kwa kugusa maeneo yote muhimu ya maendeleo.

Naye Makaku Mwenyekiti wa CCM Zanzibara na Rais wa Zanzibar, Dk Ali Mohammed Shein alitoa hotuba ya kufunga, ambazo hotuba zote mbili ziliamuliwa ziwe ndio miongozo katika uandishi wa Ilani na Mwelekeo wa sera wa Chama hicho kongwe barani Afrika Akizungumza kwenye hafla fupi ya kuzindua makazi ya Naibu Katibu Mkuu wa Wizara ya Katiba na Sheria, Amoni Mpanju, kwenye Kijiji cha Nyakibimbili, Dk Bashiru aliihimiza jamii kusaidia watu wenye ulemavu ili waweze kung’amua fursa, kupitia vipawa vyao kama ilivyofavyika kwa Mpanju.

“Inatakiwa tuwapende zaidi watu ambao kwa maumbile yao hawawezi kutenda baadhi ya mambo bila msaada, lakini wana vipawa vya kusaidia jamii yao na nchi kwa jumla. Amoni ni miongoni mwa watu wanaotusikia, lakini hawatuoni… Namfahamu vizuri, ni miongonimwa vijana wachapa kazi kuliko hata wanaoona. Majukumu aliyo nayo hajapewa kwa upendeleo, bali anayamudu sawasawa,” alisema Dk Bashiru.

Alihimiza zaidi upendo kwa watoto, akisema CCM kimeonesha njia kwa kuweka utaratibu wa elimu bila malipo, kwamba watoto wengi wamepata fursa ya kupata elimu tofauti na awali.

Naye Mpanju, akizungumza wakati akimkaribisha Dk Bashiru alielezea ugumu aliyokabiliana nao katika maisha yake, ikiwamo kufiwa na wazazi wake wote wawili akiwa katika umri mdogo, hali iliyosababisha asomeshwe na watu ambao baadhi hakuwa akiwafahamu.

Pamoja na watu hao, alishukuru itikadi ya Ujamaa akisema bila itikadi hiyo iliyojenga na kueneza udugu na ujamaa miongoni mwa Watanzania, ana uhakika asingesoma. Mwandishi ni Mchambuzi wasiasa na maendeleo nchini. 0658354328.

“NILIANZA kuzaa nikiwa binti mdogo wa miaka 19 na mtoto ...

foto
Mwandishi: Said Nguya

Weka maoni yako

Weka maoni yako

Habari Nyingine

Categories

habari zaidi zinazoendana na hii

mpya # zaidi