loader
Dstv Habarileo  Mobile
Picha

Ajinyonga hadi kufa kwa madai ugumu wa maisha

MKAZI wa Kijiji cha Kanazi Kata ya Ntantumbila Wilaya ya Nkasi mkoani Rukwa, Deus Kakusu (52) amejinyonga hadi kufa, kwa madai ya ugumu wa maisha.

Kamanda wa Polisi Mkoa wa Rukwa, William Mwanampagale amethibitisha mkasa huo ulitokea juzi usiku. Alisema mtu huyo alitumia chandarua cha mbu kujinyonga ndani ya jiko nyumba kwake katika Kijiji cha Kanazi.

Mwenyekiti wa Kijiji cha Kanazi, John Kebevage alisema marehemu alichukua uamuzi huo mgumu wakati mke na wanawe wakiwa wamelala.

Alieleza kuwa alfajiri ya siku iliyofuata kulipopambazuka, mke wa marehemu alipotoka usingizini alianza kumuita mumewe, akidhani alikuwa tayari ametoka nje.

Mama huyo baada ya kutosikia mumewe akiitikia, alikwenda jikoni kuwasha moto kuandaa chai, lakini ghafla aliona mwili wa mumewe ukining'inia jikoni humo.

Kamanda Mwanampaghale alisema kuwa mayowe ya mama huyo, yalisababisha taharuki kwa majirani zake ambao walikimbilia eneo la tukio.

Ofisa Mtendaji wa Kijiji cha Kanazi, Given Kisantola alibainisha kuwa marehemu hakuacha ujumbe wote wa maandishi, lakini mara kadhaa alikuwa akisikika akilalamikia ugumu wa maisha.

JOPO la Majaji 12 nchini Marekani limemtia hatiani ...

foto
Mwandishi: Peti Siyame, Sumbawanga

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi