MDHIBITI  na Mkaguzi wa Hesabu za serikali (CAG), amesema Mamlaka ya Mapato Tanzania (TRA), ilikusanya mapato chini ya kiwango kilichokadiriwa.

CAG ameyasema hayo  leo jijini Dodoma na kudai kuwa TRA ilikusanya shilingi  trilioni 17.92  ikiwa chini ya makisio ambayo ilikadiriwa kukusanya  shilingi trilioni 19.45.

Amesema kutokana na hali hiyo kuna  upungufu wa shilingi trilioni  1.49 sawa na asilimia nane.

 “Mamlaka ya Mapato Tanzania (TRA) ilikusanya  shilingi  trilioni 17.92  ikiwa chini ya makisio ambayo ilikadiriwa kukusanya  shilingi trilioni 19.45  na hivyo kuwa na upungufu wa shilingi trilioni  1.49 sawa na asilimia nane. “ alisema  CAG  Charles Kichere

Alisema TRA ilikuwa na changamoto mbali mbali ya  ukusanyaji mapato ya bidhaa  zinazopita kwenda nje  zenye ushuru wa forodha  shilingi bilioni  5.14 lakini hazikuthibitishwa kutoka nchini, pia kulikua na mafuta yaliyopita muda  wa matumizi   yaliyokuwa yanaenda nje yenye thamani ya shilingi bilioni 12.14   hazikukusanywa