loader
Dstv Habarileo  Mobile
Burundi, Tanzania zapongezwa kuridhia mkataba

Burundi, Tanzania zapongezwa kuridhia mkataba

KATIBU Mkuu wa Jumuiya ya Afrika Mashariki (EAC), Dk Peter Mathuki, amezipongeza Tanzania na Burundi kwa kuridhia Mkataba wa Eneo Huru la Biashara Afrika (AfCFTA). Burundi iliridhia AfCFTA Juni 17, 2021 huku Bunge la Tanzania likiridhia mkataba huu Septemba 9, mwaka huu.

Nchi nyingine washirika wa EAC zilizoridhia mkataba huo ni Kenya, Rwanda na Uganda huku Jamhuri ya Sudan Kusini imesaini mkataba wa AfCFTA, lakini haijathibitisha. Mathuki alisema AfCFTA itawezesha wananchi wa EAC kupata soko kubwa Afrika na kuongeza mauzo ya nje ya Jumuiya ya Afrika kwa nchi nyingine zilizo nje ya jumuiya.

“Itaboresha pia mwingiliano wa watu Afrika, kukuza biashara na maendeleo na hatimaye kuifanya EAC kuwa katika nafasi nzuri ya kufanya biashara zaidi duniani,” alisema Mathuki. Alisema EAC imeanzisha hatua mbalimbali katika kuelekea utekelezaji wa Mkataba wa AfCFTA na kwamba, kuridhiwa kwa mkataba huo na nchi za Burundi na Tanzania kutaharakisha utekelezaji wa makubaliano hayo.

Dk Mathuki alisema kuwa EAC iko karibu kukamilisha uwasilishaji wa ofa zake za ushuru. “Tumeandaa pia rasimu ya mkakati kwa ajili ya utekelezaji wa mkataba huo, ambao unazingatia hitaji la kuwajengea uwezo wananchi na kwa sasa inafanywa kazi na nchi wanachama,” alisema Dk Mathuki. Katibu Mkuu alisema kuwa ni matarajio ya EAC kwamba, AfCFTA itasaidia pamoja na mambo mengine, kupungua kwa gharama za biashara, kukuza biashara ya ndani na kuwa eneo la utatuzi wa migogoro.

https://www.apps.tsn.go.tz/public/uploads/a04e46dab545b6f6c0ca70407d88f40f.jpeg

WASICHANA waliopata ujauzito katika umri mdogo ...

foto
Mwandishi: Na Theopista Nsanzugwanko

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi