loader
Dstv Habarileo  Mobile
Mavunde aipa '5' TEA

Mavunde aipa '5' TEA

MBUNGE wa Jimbo la Dodoma Mjini, Anthony Mavunde, ameishukuru serikali ya awamu ya sita kwa uboreshwaji wa mindombinu ya elimu katika Jimbo la Dodoma Mjini.

Kauli ya Mavunde imekuja baada ya Mamlaka ya Elimu Tanzania (TEA) kudhamini na kusimamia utekelezaji wa miradi mbalimbali ya elimu yenye lengo la kuweka mazingira rafiki ya kujifunzia na ufundishaji.

Mavunde alitoa shukrani hizo wakati akiwa katika ziara ya ukaguzi wa miradi mbalimbali ndani ya jimbo lake na mradi mmojawapo alioutembelea ulikuwa ni shule ya msingi Medeli iliyopo Kata ya Tambukareli ambayo ilifanyiwa ukarabati na kuongezewa vyumba vipya vya madarasa kupitia Mfuko wa Elimu wa Taifa unaosimamiwa na Mamlaka ya Elimu Tanzania (TEA).

Katika ziara hiyo,  Mavunde alifanikiwa kukagua ujenzi wa madarasa mapya, matundu ya vyoo, ukarabati wa madarasa ya zamani pamoja na uchimbaji wa kisima cha maji huku akibainisha kwamba mradi huo wa jumla ya sh milioni  345  umegharamiwa na Mamlaka ya Elimu Tanzania (TEA).

“Ninaishukuru serikali ya awamu ya sita chini ya Rais Samia Suluhu, kuipa Sekta ya elimu kipaumbele na leo tunashuhudia utekelezaji wa miradi mikubwa ya elimu, alisema Mavunde.’’

Mbunge huyo alisema mwaka 2016 alifika katika shule hiyo na kukuta madarasa mengi hayafai na kuta zake zinakaribia kudondoka kwa kuchakaa, hivyo alitoa ahadi kwamba kupitia Utekelezaji wa Ilani ya Uchaguzi ya CCM Serikali itaboresha mazingira ya shule hiyo ahadi ambayo imetekelezwa kikamilifu kila mtu ni shahidi na anaona jinsi ambavyo shule imebadilika ndani ya muda mfupi na inavutia.

‘‘Kwa furaha niliyo leo, nitawanunulia seti moja ya kompyuta kwa ajili ya uchapishaji wa mitihani hapa shuleni ili tuwaandae vyema watoto wetu wenye mitihani ya mwisho ya Taifa waweze kufanya vizuri zaidi,” alisema Mavunde

Nae Mwalimu Mkuu wa shule hiyo ya msingi Medeli,  Grace Risasi, alishukuru Serikali kupitia Mamlaka ya Elimu Tanzania (TEA) kwa utekelezaji wa mradi huo wa ujenzi wa miundombinu ya shule ambao umepelekea kuongezeka kwa ufaulu katika shule hiyo kutokana na mazingira ya ufundishaji na usomaji kuwa rafiki tofauti na ilivyokuwa hapo awali.

https://www.apps.tsn.go.tz/public/uploads/89029d0a333a8b3f3c85d7d6214eb968.jpeg

CHAMA cha Wafanyakazi wa Serikali za ...

foto
Mwandishi: Mwandishi Wetu

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi