loader
Waziri wa mambo ya nje wa China afanya ziara ya mwanzo wa mwaka barani Afrika

Waziri wa mambo ya nje wa China afanya ziara ya mwanzo wa mwaka barani Afrika

Waziri wa Mambo ya Nje wa China Bw Wang Yi anafanya ziara yake ya kwanza ya kidiplomasia barani Afrika, ziara ambaye imekuwa ni desturi kwa waziri wa mambo ya nje wa China kwa zaidi ya miaka 30.

Ziara hii inafanyika ikiwa ni sehemu za mpango wa muda mrefu wa China wa kuimarisha uhusiano wa kidiplomasia kati ya China na nchi za Afrika, kuangalia utekelezaji wa mipango ya ushirikiano kati ya pande mbili, na hata kupata sauti za wadau wa ushirikiano huo.

Ziara ya waziri wa mambo ya nje barani Afrika kimekuwa ni kitu cha kawaida ambacho kinafanyika kila mwezi Januari, lakini shamrashamra za ziara hii huongezeka kila mwaka.

Sababu ni kubwa ni kwamba kila ziara yake inapofanyika barani Afrika, kuna fursa nyingi huwa zinafunguliwa, na upande wa China pia unasikiliza kwa karibu zaidi sauti za nchi za Afrika na kujionea kwa macho ni nini kinaendelea barani Afrika.

Ziara ya safari hii ya Bw Wang Yi inafanyika zaidi ya mwezi mmoja baada ya mkutano wa mawaziri wa baraza la ushirikiano kati ya China na Afrika uliofanyika mjini Dakar, Senegal.

Kwenye mkutano huo China ilitaja miradi 9 ya ushirikiano kati yake na Afrika, yenye lengo la kuhimiza ushirikiano, huku ikizingatia kutatua changamoto zinazozikabili nchi za Afrika kwa sasa.

Kwa sasa changamoto kubwa inayoikabili dunia nzima ni janga la COVID-19, na hasa kuenea kwa aina mpya ya virusi aina ya Omicron.

Changamoto ya COVID-19, imeleta balaa kwa afya ya binadamu peke yake, lakini pia imeleta changamoto nyingi za kiuchumi kwa nchi za Afrika.

Bila shaka suala la chanjo litakuwa moja ya mambo yatakayofuatiliwa kwenye ziara ya Bw, Wang Yi, hasa ikizingatiwa kuwa China imeahidi kuwa itatoa chanjo bilioni 1 kusaidia mapambano dhidi ya janga la COVID-19 katika nchi mbalimbali za Afrika.

Ikumbukwe pia kuwa changamoto ya COVID-19 na madhara yake kiuchumi na kijamii kwa nchi za Afrika, ni jambo jipya. Kabla ya janga hilo kulikuwa na changamoto nyingi zinazoendelea kusumbua watu katika nchi nyingi za Afrika, kama vile umaskini na ukosefu wa ajira, athari ya mabadiliko ya tabia, miundo mbinu duni n.k.

Nchi nyingi za Afrika zilikuwa na mwelekeo mzuri katika kujitahidi kutatua changamoto hizo, lakini janga la COVID-19 limetatiza juhudi hizo na hata baadhi ya mafanikio yaliyopatikana kurudi nyuma.

Kutokana na maendeleo ya kiuchumi ya China, nchi hiyo sasa imekuwa ni moja ya mategemeo makubwa kwa nchi mbalimbali duniani zinazofanya juhudi ya kujikwamua kutoka kwenye changamoto hizo.

Mfano mzuri ni nchi yetu Tanzania, ambayo kutokana na juhudi za ubalozi wetu mjini Beijing, wakulima wa Tanzania sasa wanaweza kupata fursa ya kuuza mazao yao moja kwa moja kwenye soko la China.

Kufuatilia kusainiwa kwa makubaliano ya kuuza muhogo mkavu na maharage ya soya, wakulima wa mazao haya nchini Tanzania, sasa hawawezi kulalamika tena kuhusu soko.

Malalamiko yao kwa sasa ni namna ya kuzalisha kwa wingi ili kuweza kukidhi mahitaji ya soko la mazao hayo nchini China. Ubalozi wetu pia unaendelea juhudi za kuhakikisha kahawa yetu, chai yetu, bidhaa za madini na zinapata soko nchini China.

Hii yote inawezekana kutokana na mahusiano mazuri ya kidiplomasia kati ya Tanzania na China.

Wataalamu wa mambo ya uchumi wanaitaja China kuwa ni bahari ya fursa.

Kwenye bahari hiyo unaweza kuchota maji kulingana na uwezo wako wa kubeba maji hayo, au ujazo wa chombo unachotaka kuchotea maji hayo.

Kwa nchi yetu Tanzania, uhusiano mzuri wa kidiplomasia na China, ni mtaji na msingi wa kuimarisha ushirikiano wetu kiuchumi.

Uzuri ni kwamba China imekuwa na kauli mbiu kuwa maendeleo yake yanatakiwa kunufaisha sehemu mbalimbali duniani, na inafanya hivyo kivitendo kwa kutoa fursa mbalimbali za ushirikiano.

Pia imekuwa inarudia kauli yake ya mara kwa mara kuwa ushirikiano unatakiwa kujenga dunia yenye mustakbali wa pamoja.

  • Fadhili Mpunji ni mwandishi wa Radio China International (CRI) Beijing, China
https://apps.tsn.go.tz/public/uploads/1a7048bd5a38983ab87061b91ff3c65c.jpg

Marekani na Umoja wa mataifa zimelaani vikali mauaji ...

foto
Mwandishi: Fadhili Mpunji, Beijing

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi