loader
Mwasisi wa Urafiki wa China-Tanzania, Mkuu asiyesahauliwa

Mwasisi wa Urafiki wa China-Tanzania, Mkuu asiyesahauliwa

Leo ni kumbukumbu ya miaka 100 tangu kuzaliwa kwa Hayati Rais Julius Nyerere, Baba wa Taifa la Tanzania. Rais Julius Nyerere ndiye mwasisi wa Jamhuri ya Muungano wa Tanzania, kiongozi mkuu wa harakati za ukombozi wa taifa la Afrika na mwanaumajumui wa Afrika mwaminifu.

Amejitolea maisha yake yote kwa uhuru wa Tanzania, umoja wa kitaifa, maendeleo ya kiuchumi na kijamii, na umoja wa Afrika na kujiletea maendeleo.

Hadi leo, Rais Julius Nyerere bado anasimama kama Mlima Kilimanjaro kwenye mioyo ya Watanzania, na anasifiwa sana na jumuiya ya kimataifa. Mawazo ya Rais Nyerere ni utajiri wa kiroho ulioachwa duniani na utaendelea kuwa na matokeo kwa Tanzania, Afrika na dunia nzima.

Kuna maneno maarufu kama haya katika wimbo wa taifa wa Tanzania: "Dumisha uhuru na Umoja” ambayo ni imani na kiapo ambacho Rais Nyerere alitumia katika maisha yake yote akifanya. Alipokuwa kijana, alishiriki katika harakati za ukombozi wa taifa, akawaongoza Watanganyika mashujaa kujinasua kutoka katika pingu ya ukoloni, akaanzisha mapambazuko ya uhuru, na kufungua ukurasa mpya wa maendeleo ya taifa la Tanzania.

Shukrani kwa juhudi zake za pamoja na Rais Abeid Amani Karume, Tanganyika na Zanzibar ziliungana, na Tanzania yenye umoja ilisimama katika bara la Afrika.

Rais Nyerere ni kiongozi mwanaumajumui bora wa Waafrika, akijitolea maisha yake yote katika harakati za ukombozi na umoja na kujiletea maendeleo ya Bara la Afrika. Ingawa katika miaka ya 1960 na 1970, pamoja na kwamba Tanzania iliondokana na pingu ya ukoloni, Nyerere kwa udhabiti alitumia 1% ya bajeti ya taifa kukomboa Afrika.

Tanzania imekuwa “ardhi takatifu” na “mstari wa mbele” wa vyama vya ukombozi wa taifa barani Afrika, na kutoa mchango mkubwa katika harakati za kupigania uhuru na kupinga ukoloni kusini mwa Afrika. Wakati huo huo, Nyerere alikuwa mwanzilishi wa Umoja wa Afrika, na Jumuiya ya Afrika Mashariki na Jumuiya ya Maendeleo ya Kusini mwa Afrika, na alitoa michango isiyoweza kufa kwa sababu ya mtangamano wa Afrika.

Rais Nyerere ni mzee na rafiki mkubwa wa watu wa China. Yeye na Mwenyekiti Mao Zedong, Waziri Mkuu Zhou Enlai na viongozi wengine wa kizazi kongwe wa nchi hizo mbili wamejenga uhusiano wa kirafiki kati ya China na Tanzania, na wamejitolea kwa dhati kuimarisha urafiki kati ya China na Tanzania na Afrika nzima.

Alitembelea China mara 13 wakati wa uhai wake na kuwa mmoja wa wakuu wa nchi za kigeni waliotembelea China mara kwa mara. Yeye ni jina la nyumbani nchini China na amekuwa akiheshimiwa na watu wa China. Ningependa kushiriki na marafiki zangu baadhi ya matukio ya kihistoria ya mahusiano ya Nyerere na China na marafiki zangu. Februari 1965, Rais Nyerere alifanya ziara yake ya kwanza ya kiserikali nchini China, ambayo ilikaribishwa kwa furaha na viongozi na watu wa China.

Katika ziara hiyo, China na Tanzania zilitia saini mkataba wa urafiki, ambao ni mkataba wa kwanza wa urafiki uliotiwa saini na China na nchi za mashariki na kusini mwa Afrika, na umekuwa na nafasi muhimu ya kuigwa katika maendeleo ya uhusiano wa China na Afrika. Rais Nyerere alipoiomba China kujenga Reli ya Tanzania-Zambia (TAZARA), Mwenyekiti Mao Zedong, Waziri Mkuu Zhou Enlai, na viongozi wengine wa China, hawakusita kujibu chanya licha ya matatizo ya kiuchumi ya China yenyewe.

Rais Nyerere aliguswa sana na jinsi China inavyotenda kwa usawa, uaminifu na kutokuwa na ubinafsi, na tangu wakati huo ameanzisha uhusiano usioweza kukatika na China. Kwa ombi la Rais Nyerere na Rais wa Zambia Kenneth Kaunda, China iliwekeza nguvu kazi nyingi, nyenzo na rasilimali fedha kujenga TAZARA yenye urefu wa kilomita 1,860.

Rais Nyerere alisema kwa hisia wakati wa kukabidhiwa rasmi TAZARA: “Reli hii ipo kwa sababu ya kazi ngumu ya kimwili, werevu, na utayari wa watu wa China kugawana kile kidogo walichonacho.

Na, yote yamefanywa ikiwa ni kwa usawa wa pande mbili. … China imetuonyesha maana halisi ya dhamira ya kimapinduzi na mshikamano wa kimataifa. Ningependa kufikiria kwamba angalau tutafanya jaribio la kweli kuishi kulingana na mfano ambao umetuonyesha."

TAZARA inasalia kuwa mradi mkubwa zaidi wa misaada ya kigeni wa China hadi sasa, ukitoa msaada muhimu kwa harakati za ukombozi wa kitaifa kusini mwa Afrika, una jukumu muhimu katika maendeleo ya kiuchumi na kijamii kandokando ya njia, na kuwa kumbukumbu kwa Urafiki wa China-Tanzania na China-Afrika.

Rais Nyerere pia alikuwa makini kuhimiza uanzishwaji wa uhusiano wa kidiplomasia kati ya nchi huru za Afrika na China, na alifanya kazi kubwa kwa Jamhuri ya Watu wa China kurejesha kiti chake halali katika Umoja wa Mataifa. Mapema katika ziara yake ya kwanza nchini China, alisema hadharani kwamba kuiondoa Jamhuri ya Watu wa China kutoka Umoja wa Mataifa hakutakuwa na manufaa kwa amani ya dunia na kungepunguza sana ushawishi wa Umoja wa Mataifa.

Shukrani kwa juhudi za pamoja zinazofanywa na Tanzania na nchi nyingine rafiki, mwaka 1971, mkutano wa 26 wa Baraza Kuu la Umoja wa Mataifa ulipitisha Azimio 2758 la kurejesha kiti halali cha Jamhuri ya Watu wa China.

Wakati huo, Dk. Salim Ahmed Salim, Mwakilishi wa Kudumu wa Tanzania katika Umoja wa Mataifa, alishangilia kwenye ukumbi huo, na kuacha wakati muhimu katika hatua ya Umoja wa Mataifa ya kukaidi madaraka na kutetea haki. Ingawa amefariki, roho yake haiwezi kufa. Kama alivyosema Rais wa zamani wa Zambia, Kenneth Kaunda, kumbukumbu bora zaidi ya Julius Nyerere ni kurithi kazi yake.

Leo, serikali ya Tanzania na wananchi wakiongozwa na Rais Samia Suluhu Hassan wanashikilia juu bendera kuu ya Mawazo ya Nyerere na kusukuma mbele ujenzi na maendeleo ya nchi kwa ujasiri thabit. Mpango wa Rais Nyerere kwa maendeleo ya taifa unatimizwa mara kwa mara, na mchakato wa ushirikiano wa Afrika umeingia katika enzi mpya. Mti wa urafiki wa China-Tanzania uliokuzwa na Rais Nyerere unakua kwa nguvu.

Februari mwaka huu, Shule ya Uongozi ya Mwalimu Julius Nyerere, iliyojengwa kwa pamoja na vyama sita vya Kusini mwa Afrika na kuungwa mkono na Chama cha Kikomunisti cha China (CPC), ilikamilishwa na kuanza kutumika, ikiwa imekabidhiwa kumbukumbu yetu kubwa ya "mwana wa Afrika" na mkuu asiyesahauliwa.

Kwa sasa, China na Tanzania ziko katika hatua mpya ya maendeleo, na uhusiano kati ya nchi hizo mbili umesimama katika hatua mpya ya kuanzia.

Tuko tayari kushirikiana na Tanzania kurithi tamaduni ya kirafiki iliyoanzishwa na viongozi wa kizazi cha zamani kama vile Mwenyekiti Mao Zedong na Rais Julius Nyerere, kuendeleza ari ya urafiki na ushirikiano kati ya China na Afrika, na kukuza uhusiano kati ya "Programu tisa za Mkutano wa Nane wa Mawaziri wa Jukwaa la Ushirikiano kati ya China na Afrika (FOCAC) na Mpango wa Tatu wa Maendeleo wa Kitaifa wa Tanzania wa Miaka Mitano, ili kuendelea kuimarisha urafiki na ushirikiano kati ya China na Tanzania, na kunufaisha zaidi watu wetu wawili.

Mwandishi ni Balozi wa China nchini Tanzania.

https://apps.tsn.go.tz/public/uploads/0549e36494be7d75df3e4a89fe5af46c.PNG

OPERESHENI ya kuondoa wazururaji na ...

foto
Mwandishi: Chen Mingjian

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi