loader
Hungary ‘yaigomea’ ulaya mafuta ya Urusi

Hungary ‘yaigomea’ ulaya mafuta ya Urusi

Maafisa wa Umoja wa Ulaya watatumia wikendi nyingine kujaribu kuishawishi Hungary ikubaliane na mpango wa kusitisha uagizaji wa mafuta kutoka Urusi, msukumo wa mwisho unaolenga kupata makubaliano kabla ya mkutano maalum uliopangwa kufanyika mjini Brussels siku ya Jumatatu.

Baada ya karibu mwezi wa mjadala na diplomasia, E.U. bado haujafikia makubaliano juu ya mafuta, kwa sehemu kubwa kwa sababu ya upinzani kutoka kwa Waziri Mkuu wa Hungary, Viktor Orban.

Hungary haina bandari na inasalia kutegemea sana mafuta ya bomba kutoka Urusi. Orban amesema vikwazo vitakuwa kama "bomu la nyuklia" kugonga uchumi wa nchi yake.

Ingawa kuna huruma fulani kutokana na hali ya Hungary, wanadiplomasia wanahofu kiongozi wa Hungary anaweza kutumia suala hilo kujaribu kujinufaisha katika makubaliano ya nje huko Brussels.

Wazo moja linalojadiliwa sasa ni marufuku ya kusafirisha mafuta ya Urusi kwa njia ya bahari ambayo haijumuishi usafirishaji wa bomba - mpango ambao unaweza kupunguza wasiwasi kwa Hungary.

Hata hivyo, wanadiplomasia hawana uhakika kama Orban yuko katika hali ya kufanya makubaliano, au atashikilia hadi kuwe na pesa nyingi kwenye meza.
 

https://www.apps.tsn.go.tz/public/uploads/55f034660cbc325dbc55eb93ed5f55b3.jpeg

Papa Francis amesema anatarajia kuzuru Ukraine lakini anasubiri ...

foto
Mwandishi: Hungary

Post your comments

habari zaidi zinazoendana na hii

mpya # zaidi