loader
TMA yatoa ushauri uzalishaji wenye tija

TMA yatoa ushauri uzalishaji wenye tija

MAMLAKA ya Hali ya Hewa nchini (TMA), imewashauri wakulima na wafugaji kutumia huduma za hali ya hewa na taarifa zinazotolewa, ili kukabiliana na mabadiliko ya hali ya hewa na athari zake kwa ajili ya uzalishaji wenye uhakika wa mazao ya kilimo na mifugo.

Mkurugenzi Mkuu wa Mamlaka hiyo, Dk.  Agnes Kijazi alisema hayo leo mjini Morogoro, akiwa kwenye  banda la mamlaka hiyo katika  viwanja vya Nanenane.

Alisema mamlaka imekuwa ikitoa  taarifa mahususi kwa ajili ya sekta ya kilimo, hivyo wakulima waweze kuzifuatilia taarifa hizo, ili waweze kutumiza malengo yao ya uzalishaji mazao kwa uhakika .

“ Kwa mfano mkulima akitumia taarifa hii ya siku 10 anajua ni wakati gani aweze kupalilia, wakati wa kunyunyuzia dawa mazao yake,”alisema Dk. Kijazi.

Alisema taarifa hiyo pia inaweza kutumiwa na wafugaji  kwa kuwasaidia  kujua ndani ya muda  wa siku hizo,  mvua inaweza kuwa ni kubwa, hivyo kujiwekea malisho ndani  kwa ajili ya kulishia mifugo,  kujua ukame wa muda mrefu, ili  waweze kupunguza malisho.

Alisema mamlaka itaendelea kutoa elimu kwa wananchi ya namna bora ya kukabiliana na mabadiliko ya hali ya hewa na athari zake.

https://apps.tsn.go.tz/public/uploads/b836421430d35c40dc9f965434814e63.jpg

Tume Huru ya Uchaguzi na ...

foto
Mwandishi: John Nditi, Morogoro

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi