loader
Dstv Habarileo  Mobile
Picha

Serikali kutotaifisha tena shule, hospitali

Alitoa mwito huo juzi wakati akizungumza na walimu, wazazi na wahitimu wa Kidato cha Nne wa Shule ya Sekondari Magnificat iliyoko Sanya Juu, wilayani Siha mkoani Kilimanjaro.

Waziri Mkuu alisema huko nyuma Serikali ilitaifisha shule na vyuo, lakini kwa kiasi fulani ilishindwa kuviendesha ikaamua kuvirudisha kwa wamiliki wake ambao ni taasisi za kidini.

“Ni kweli huko nyuma tulikuwa navyo, lakini tumevirudisha kwenu na ninyi ni washirika katika kuleta maendeleo kwa wananchi walio wengi,” alisema Waziri Mkuu.

“Nilishawahi kusema huko nyuma na leo (juzi) nasisitiza tena kwamba hatutaifisha shule, zahanati, hospitali wala chuo kikuu chochote cha taasisi ya kidini. Ninawasihi mjenge zaidi na zaidi,” aliongeza.

Waziri Mkuu ambaye alikuwa mgeni rasmi kwenye uzinduzi wa shule hiyo iliyoanzishwa Januari 15, 2011, aliwakabidhi vyeti wanafunzi 42 wa kidato cha nne wanaotarajia kufanya mtihani Novemba, mwaka huu ikiwa ni mara ya kwanza kwa Shule ya Sekondari ya Magnificat kufanya mtihani huo.

Waziri Mkuu aliwapongeza wanafunzi hao kwa kushika nafasi ya kwanza wilayani Siha kwenye mitihani ya utamirifu (moko) katika Kidato cha Nne.

“Vilevile, shule hii imekuwa ya 12 kati ya shule 316 za Mkoa wa Kilimanjaro na ya 16 kati ya shule 564 kwa Kanda ya Kaskazini Mashariki zilizofanya mtihani huo. Mimi napata imani kuwa watafanya vizuri kwenye mtihani wao wa Kidato cha Nne Novemba 2014,” aliongeza.

Mapema, Mkuu wa Shirika la Masista la Kazi ya Roho Mtakatifu na Meneja wa Shule hiyo, Sista Inviolata Kessy alisema shule hiyo ilianzishwa kwa lengo la kutoa elimu bora na kuwashawishi watoto wa kike wa Kimasai waone umuhimu wa elimu na hivyo kuwaepusha na ndoa za utotoni.

Vile vile, kuwapa msingi mzuri wa elimu kama sehemu ya maandalizi yao ya kupata elimu ya juu.

Akisoma risala kwa niaba ya wahitimu, Annastazia Kimaro alisema shule hiyo inakabiliwa na changamoto nyingi zikiwemo ukosefu wa jengo la utawala pamoja na basi la shule la kuwapeleka wanafunzi kwenye ziara za mafunzo.

Aliomba pia wawe wanapelekewa magazeti ya kila siku na kila wiki ili wanafunzi wa shule waweze kupata taarifa mbalimbali za mambo yanayojiri nchini na duniani.

Mwenyekiti wa Tume ya Taifa ya Uchaguzi ...

foto
Mwandishi: Mwandishi Maalumu

Post your comments

Tangazo

CRDB

Habari Nyingine

Categories

habari zaidi zinazoendana na hii

mpya # zaidi