Maaskofu wanasurika ajali Dodoma

ASKOFU Mkuu wa Mstaafu wa Kanisa la Anglikana Tanzania, Donald Mtetemela  na Askofu Mstaafu wa Jimbo la Tanga Phillip Bàdi wamenususurika kifo jijini Dodoma baada ya gari  walilokuwa wamepanda kugongana na pikipiki.

Hata hivyo, mtu mmoja anahofiwa kufariki dunia kutokana na ajali hiyo

Maaskofu hao walifika Dodoma kuusindikiza mwili wa aliyekuwa Askofu wa Kanisa Anglikana Dayosisi ya Mpwapwa, George Chiteto aliyefariki jijini Tanga wakati akiongoza ibada ya mke wa askofu mwenzake.

Akitoa taarifa hiyo kwa waumini waliohudhuria ibada hiyo, Makamu Mkuu wa Chuo Kikuu cha St John,  Profesa Timotheo Simalenga  alisema ajali hiyo ilitokea leo alfajiri wakati gari walilokuwemo.kugongana na pikipiki na kusababisha kifo cha mtu mmoja

Alisema kuwa dereva wa gari walilokuwemo maaskofu hao aaliyetdjea he’s jina moja Lwiwa  alipata majeraha kutokana na vipande vya Kioo kumwangukia na kumkaa usoni, ambapo pia alipata  jeraha kwenye jicho

Mmoja wa watu waliofika  kwenye eneo la tukio, William Mbwana  alisema ajali hiyo ilitokea saa kumi na moja kasoro alfajiri

Shuhuda huyo alishauri mamlaka husika kulipa kipaumbele suala la alama za barabarani ili kuepusha ajali.

Hata hivyo Kamanda wa Polisi Mkoa wa Dodoma, Martin Otieno alipoulizwa kuhusiana na tukio hilo alisema: “Sina taarifa hizo, nitafuatilia.”

 

Habari Zifananazo

Back to top button