Mafuru aahidi raha AICC

MKURUGENZI Mtendaji wa Kituo cha Mikutano cha Kimataifa cha Arusha (AICC), Ephraim Mafuru ameahidi kufanya kazi kwa bidii, ili kurudisha heshima iliyopotea ya kituo hicho.

Mafuru ameyasema hayo leo mbele ya waandishi wa habari wakati akiripoti kwenye kituo chake kipya cha kazi na kusisitiza kurudisha tena imani ya wateja wa zamani wa AICC.

“Tumedhamiria kuwabakisha wateja wetu ambao walitafuta huduma zinazohusiana na mkutano mahali pengine, lengo letu pekee ni kuona AICC inarudi pale ilipokuwa kwa miaka mingi,” amesema.

Amesema AICC itazindua idadi ya huduma mpya na za kipekee kwa lengo la kuvutia wateja mbalimbali kwenye kituo cha mikutano.