Mbio za kwenda mwezini zarejea tena

ROBOTI Danuri anafanya uchunguzi kubaini mvutano mkubwa kati ya Jua na Mwezi akielekea Mwezini ambako ndio kituo chake cha mwisho. 

Hii ni mara ya kwanza kwa roboti hili la Korea Kusini kufanya majaribio ya kufika Mwezini. 

Safari hiyo inaashiria mwanzo wa enzi mpya ya dhahabu ya kuchunguza Mwezi; nchi sita zitatuma vyombo vya anga kwenye ulimwengu huo wa angani, ambao pengine uliundwa mabilioni ya miaka iliyopita wakati sayari yenye ukubwa wa Mirihi ilipogongana na Dunia na kurarua kipande chake. 

Kama ilivyo kuwa kwa zile mbio za anga za juu miaka 50 iliyopita, nyingi kati ya nchi hizi – hasa Marekani, Ulaya na wapinzani wao wa China na Urusi – mataifa haya hutafuta kuonyesha uwezo wao wa kiteknolojia, kuchunguza hifadhi kubwa ya madini ya Mwezi na kuyageuza kuwa kituo cha kati ili kufikia azima yao ya kufika katika sayari ya Mars.

“Enzi mpya ya uchunguzi wa anga inakuja na Korea inataka kuwa sehemu yake,” ameeleza Sungsoo Kim – Mkurugenzi wa Taasisi ya Utafiti wa Anga ya Korea ya Polcam.

Lengo kuu la nchi za Asia ni kuendeleza teknolojia ya kuchunguza na kuwasiliana na Mwezi na sayari zingine za mbinguni katika mfumo wa jua. Lakini chombo hicho pia kitafanya utafiti wa kisayansi wa mstari wa mbele. 

Kwa mfano, Polcam itakuwa kamera ya kwanza kuchunguza umbile la udongo wa mwezi kwa kutumia mwanga wa polarized.“Madhumuni ya chombo hiki ni kuchora saizi ya chembe za regolith ya mwezi, ambayo itatuambia takriban ni muda gani imekuwa ikikabiliwa na hali ya anga,” amesema Kim. 

Vyombo vingine viwili vitachanganua ukubwa wa uga wa sumaku wa mwezi na wingi wa vipengele fulani vya kimkakati, kama vile urani, heliamu na maji.