Mchungaji: Nilifungwa jela miaka 5 kimakosa

Uwasilishaji wa malalamiko hayo ni pale wanapofanyiwa vitendo vinavyokiuka kanuni za maadili, ili haki zao zilindwe na kupata haki kwa wakati.

Mchungaji wa Kanisa la Anglikana wilaya ya Gairo, mkoani Morogoro, Canon Benedict Mbelwa ametoa ombi hilo mjini Gairo wakati wa mkutano wa utoaji wa elimu ulioendeshwa na viongozi wa Tume ya Utumishi wa Mahakama Tanzania.

Utoaji wa elimu kwa wananchi wa Gairo uliongozwa na Naibu Katibu Maadili na Nidhamu wa tume hiyo, Alesia Mbuya pamoja na Naibu Katibu wa Tume (Ajira na Uteuzi ) , Enziel Mtei na kumshirikisha Mkuu wa wilaya hiyo, Jabir Makame.

Licha ya kuwasilisha ombi hilo, Mchungaji huyo ameeleza namna alivyoingizwa katika kesi isiyomhusu na kuhukumiwa kifugo cha miaka mitano jela na wenzake wawili katika mazingira ya kutatanisha muda mfupi baada ya kuchanguliwa kuongoza Saccos ya Mshikamano.

Mbelwa amedai alishitakiwa bila sababu yoyote na kufungwa miaka mitano na Mahakama ya Mwanzo ya Pandambili iliyopo Wilaya ya Kongwa, mkoani Dodoma kwa kesi iliyofunguliwa ya Mshikamano Saccos.Amedai waliokuwa viongozi wa bodi kwa wakati huo walifanya ‘madudu’ na wao walipochanguliwa waliamua kuangalia kilichofanyika katika Saccos hiyo ,lakini ghafla walifunguliwa kesi bila ya kuelewa mazingira yake.

Mchungaji Mbelwa amedai walipewa haki ya kukata rufaa ,na kutokana na juhudi za Askofu wa Kanisa la Anglikana Dayosisi ya Morogoro alimpatia mwanasheria wa Dayosisi kuweza kusimamia rufaa yao.

“Tulifungwa miaka mitano jela mimi na wenzangu wawili , baada ya kushinda rufaa tukaachiwa wawili , isipokuwa mmoja wetu bado anaendelea kutumikia jela,” amebainisha Mchungaji Mbelwa.