Morocco kuandaa AFCON 2025

MOROCCO wameshinda nafasi ya kuandaa Fainali za Kombe la Mataifa ya Afrika 2025 kuchukua nafasi ya Guinea ambao walinyang’anywa haki ya kuandaa michuano hiyo mwaka jana.

Morocco ilishinda baada ya kushindwa Algeria, Zambia na zabuni ya pamoja kutoka Benin na Nigeria zote kujiondoa kabla ya kura ya Kamati Kuu ya Shirikisho la Soka la Afrika mjini Cairo Jumatano.

Ni mara ya pili kwa Morocco kuwa mwenyeji wa mashindano maarufu zaidi ya michezo barani Afrika, waliwahi pia kuandaa mwaka 1988.

Nchi tatu kutoka Afrika Mashariki, Kenya, Uganda na Tanzania zimeshinda nafasi ya kuandaa michuano hiyo mwaka 2027 inarejesha michuano hiyo katika ukanda huo kwa mara ya kwanza tangu 1976.

Walishinda Botswana, Misri na Senegal katika kura ya Kamati Kuu ya CAF. Algeria pia walikuwa mgombea lakini walijiondoa Jumanne.