Mtoto wa rais wa zamani kukamatwa kwa ufisadi

Mamlaka nchini Angola zimeeleza kukamatwa kwa Isabel dos Santos, binti rais wa zamani wa taifa hilo ambaye aliwahi kudhaniwa kuwa mwanamke tajiri zaidi barani Afrika, kwa tuhuma za ufisadi, mwanasheria mkuu wa taifa hilo ametoa maagizo hayo.

Hélder Pitta Grós, alikiambia chombo cha habari kimoja kuwa taifa hilo lina lengo la kumnasa mtuhumiwa huyo ambaye aliwahi kuwa mkuu wa kampuni ya mafuta inayomilikiwa na serikali kupitia Interpol.

Interpol hutoa ‘maarifa nyekundu’ ambayo ni maombi kwa mashirika ya kutekeleza sheria ulimwenguni kote kutafuta na kumweka kizuizini mtu. Kufikia leo asubuhi, hakuna taarifa kama hiyo kwa Bi dos Santos iliyoorodheshwa katika hifadhi data ya mtandaoni wa Interpol.

Juhudi za kumkamata Bi. dos Santos zinakuja baada ya miaka mingi ya uchunguzi wa mamlaka ya Angola kuhusu utajiri mkubwa aliojikusanyia wakati babake, José Eduardo dos Santos, aliyefariki Julai, akiwa rais.

Kwa miaka 38 ambayo baba yake alikuwa madarakani, Santos amekuwa akikumbana na tuhuma za ufisadi. Rais wa sasa wa Angola Joao Lourenco aliahidi kupambana na rushwa na mafisadi wote wa taifa hilo.

Habari Zifananazo

Back to top button