BINGWA wa soka wa Mkoa wa Dodoma ambaye atawakilisha mkoa katika michuano ya mabingwa anatarajiwa kupatikana kesho wakati timu ya CDA itakapopambana na maafande wa Jeshi timu ya Gunners katika mchezo wa ligi ya mkoa.
CDA inaongoza ligi hiyo kwa pointi 12 ikifuatiwa na Gunners yenye pointi 10 ambapo katika mchezo huo Gunners inatakiwa kushinda ili kuweza kuchukua ubingwa huo huku CDA ikihitaji pointi moja ili kuweza kuwakilisha Dodoma kwenye michuano ya mabingwa.
Kwa mujibu wa kocha wa CDA, Juma Ikaba hakuna kinachoweza kuwasumbua katika mbio zao za kuwania ubingwa kwani katika mchezo huo ni lazima washinde ili kuweza kunyakua ubingwa wa mkoa wa Dodoma.
Alisema kikosi chake kiko safi kwa ajili ya mchezo huo na wanatarajia kushinda kwa kushindo mchezo huo.
Naye msemaji wa timu ya Gunners, Bernad Mjengwa alisema wamejipanga kushinda katika mchezo huo kwa kuwa wanatakiwa kupata pointi tatu ambazo zinawafanya waweze kuwa mabingwa wa mkoa wa Dodoma, hivyo mechi hiyo kwao wanahitaji ushindi na si vinginevyo.
Alisema wamejipanga vizuri na kinachosubiriwa ni ushindi kwenye mechi hiyo kwani ushindi ni kitu muhimu ili waweze kuwa mabingwa wa mkoa wa Dodoma.
KOCHA wa timu ya watoto wa mitaani iliyoshinda fainali za Kombe la Dunia Brazil, Suleiman Jabir amewataka wadau mbalimbali kujitokeza kuisaidia timu hiyo.
MBIO za kuwania ubingwa wa Ligi Kuu Tanzania Bara zimeendelea kushika kasi baada ya Yanga kuifunga Kagera Sugar mabao 2-1 katika mechi iliyochezwa kwenye Uwanja wa Taifa Dar es Salaam jana.
KOCHA wa Simba, Zdravko Logarusic amesema Azam FC ishindwe yenyewe kunyakua ubingwa wa Ligi Kuu Tanzania Bara, kwa sababu ana uhakika wa kuifunga Yanga kwenye mchezo wa mwisho wa ligi hiyo Aprili 19, mwaka huu.
