SERIKALI imeahidi kutoa ruzuku ya Sh bilioni 4.8 kwa sekta ndogo ya pamba ili kuwawezesha wakulima kununua mbegu bora ya pamba kwa Sh 600 kwa kilo kutoka Sh 1,200 ya awali.
Ruzuku hiyo ambayo wadau wa pamba wameipongeza kama kichocheo muhimu cha uzalishaji, ni sehemu ya jitihada za serikali kuhakikisha Tanzania inatoa pamba nyingi na bora katika msimu wa mwaka 2013-2014.
Ruzuku hiyo ilitangazwa juzi na Waziri wa Kilimo, Chakula na Ushirika, Christopher Chiza wakati wa ziara yake kwenye maeneo yanayolima pamba kwa wingi katika mikoa ya Mwanza na Simiyu ambapo alidai kuwa punguzo la bei litawawezesha wakulima kuzipata mbegu hizo ambazo huzalishwa na kiwanda cha mbegu cha Quton kwa urahisi na kwa wingi.
“Lengo kubwa ni kuhakikisha kwamba mkulima anazalisha pamba nyingi na bora ambayo itakuwa na bei nzuri katika soko la kimataifa,” alisema Waziri Chiza katika mikutano na wakulima wa vijiji vya Mwandu na Ngongwa vilivyopo katika katika mikoa ya Mwanza na Simiyu.
Kwa mujibu wa Waziri Chiza, Mbegu mpya na ya kisasa ina uwezo kutoa pamba kilo 1,500 hadi 2,000 endapo itapandwa kwa mfumo wa miche 22, 222 kwa kila ekari moja.
Kitendo cha serikali kutoa ahueni ya bei kwa wakulima pia ni suluhisho la mgogoro uliokuwa ukifukuta chinichini wa kupinga matumizi ya mbegu za kisasa kwa madai ni ghali.
Waziri Chiza alisema mkulima anaweza kutumia kilo sita za mbegu mpya kwa ekari moja tofauti na ile ya zamani ambapo zaidi kilo 20 huhitajika kwa ekari moja.
Tanzania ilizalisha kilo 250,000 za pamba katika msimu wa mwaka 2012- 13 ikiwa ni pungufu ya asilimia 42 ya pamba iliyozalishwa katika msimu wa mwaka 2011-12.
SERIKALI imewataka wakurugenzi wa mamlaka za serikali za mitaa na taasisi zilizoko chini ya Ofisi ya Waziri Mkuu, Tawala za Mikoa na Serikali za Mitaa (Tamisemi) kubaini fursa za uwekezaji na kuandaa mipango ya kuanzisha miradi ya kimaendeleo.
UBIA baina ya Sekta ya Umma na Sekta Binafsi (PPP)utatekelezeka vizuri iwapo wadau watajengewa uwezo na bila kupitia njia za mkato kwa kukwepa hatua za msingi.
KAMPUNI ya vifaa vya kielektroniki ya Samsung imeongeza muda maalum kwa mteja wake wa kutumia bidhaa ikiwa chini ya uangalizi wao kutoka mwaka mmoja hadi miaka miwili.
SHIRIKA la Madini la Taifa (STAMICO) limeingia makubaliano na Kampuni ya Uchimbaji wa Madini ya African Barick Gold(ABG) kwa ajili ya kuendeleza shughuli zote za uchimbaji madini katika mgodi wa Tulawaka huku Watanzania 450 wakitarajiwa kupata ajira mgodini hapo.
JUMLA ya watu 125 wamejishindia pikipiki maarufu kama bodaboda na Sh milioni 70 kupitia promosheni ya ‘Timka na Bodaboda’ inayoendeshwa na Kampuni ya Vodacom Tanzania.
WAFANYABIASHARA wa kati wa maduka mjini Morogoro wamegoma kwa kufunga maduka yao wakidai kuonana na Mkuu wa Mkoa wa Morogoro Joel Bendera, kuwasilisha kilio chao cha kuzikataa mashine za risiti na tozo ya kodi ya asilimia 18, wanayotozwa kutokana na mauzo wanayofanya bila kujali faida.
MAKAMU wa Kwanza wa Rais, Maalim Seif Shariff Hamad amesema ameridhishwa na kazi za Shirika la Taifa la Biashara (ZSTC) katika maandalizi ya kununua karafuu kutoka kwa wakulima msimu wa mwaka huu ambapo hakuna mkulima atakayekopwa karafuu zake.
CHAMA Cha Mapinduzi (CCM) kimeahidi kusimamia na kuhakikisha kuwa ubabaishaji wa soko la korosho nchini linaondoka na kwamba zao hilo linapata ufumbuzi wa kudumu na kuwaondolea kero wakulima wa zao hilo.
