TRA yaonya wahasibu vishoka Kahama

MAMLAKA ya Mapato nchini (TRA), Mkoa wa kikodi Kahama, imewataka wafanyabiashara kuacha kuwatumia wahasibu vishoka, ambao wamekuwa wakiwasababishia mtafaruku kwa kupewa madai makubwa ya kodi katika biashara zao.

Hayo yamesemwa leo Agosti 22, 2022  na Meneja  Msaidizi wa Ukaguzi wa Hesabu kutoka mamalaka  hiyo,   Honest Mushi,   akimwakilisha Meneja wa Mkoa, Warioba Kanile kwenye semina ya wafanyabiashara, iliyolenga kutoa elimu  juu ya mabadiliko  ya kodi  kulingana na sheria  ya fedha ya mwaka 2022.

“Kuna wahasibu vishoka hasa kwenye mikoa midogo, hilo tunalijua sababu wahasibu wa kupiga hesabu tunawasajili sisi, lakini ninyi wafanyabiashara mmekuwa mkiwatumia vishoka, ambao hawajui hesabu, wanachotaka kuwalia hela zenu,” amesema Mushi.

Mushi amesema kuwa kulipa kodi ni suala la msingi, lipangiwe bajeti mahususi ndani ya biashara, pia mfanyabiashara   anatakiwa  awe  na wahasibu  wa kumpigia hesabu kwa ajili ya kulipa kodi kabla ya kufika TRA.

Habari Zifananazo

Back to top button