TRA yawakumbuka yatima Bukoba

MAMLAKA Mamlaka ya Mapato Tanzania (TRA )Mkoa wa Kagera imeadhimisha wiki ya shukrani kwa mlipa kodi kwa kutoa msaada wa vitu mbalimbali vyenye thamani ya Sh milioni 7 na fedha Sh milioni 1 kituo cha watoto yatima Ntoma kilichopo Bukoba vijijini mkoani Kagera .

Naibu Mkurugenzi wa fedha za makusanyo ya kodi na yasiyo ya kodi,  Ramadhan Sengati kutoka  TRA  wakati akikabidhi msaada huo alisema wameguswa na jambo  la kuwanyonyesha watoto linalofanywa na kituo hicho kinachomilikiwa na kanisa la Kiinjili la  kiluthel Tanzania (KKKT ).

Sengati alisema mamlaka hiyo kama sehemu ya jamii kupitia wiki maalum ya kumshukuru mlipa kodi huwa wanafanya mambo mengi ikiwemo kupata wahitaji ambao wapo katika mazingira magumu ili waweze kuwachangiwa walichojaliwa hivyo kuchagua kituo cha watoto wadogo cha Ntoma.

‘’Tulichagua kituo hiki cha Ntoma kutokana na kazi kubwa ya walezi ya watoto hao ya mitume na manabii,sisi kama jamii pia tumeguswa na yanayotendeka hapa kituoni “alisema Naibu mkurugenzi wa fedha za makusanyo ya kodi na yasiyo ya kodi kutoka mamlaka ya mapato Tanzania.

Alisema msaada uliotelewa ni vyakula ,vinywaji,viburudisho,sabuni,maziwa ya kopo  na pampers  vyote vinathamani ya Sh milioni 7 na  fedha taslimu kiasi cha Sh milioni 1.

 

Habari Zifananazo

1 Comment
Oldest
Newest Most Voted
Inline Feedbacks
View all comments
Back to top button