‘Uhusiano Tanzania, Indonesia utandelea kudumu’

DAR ES SALAAM; Indonesia na Tanzania zimesherehekea historia ya uhusiano wa mataifa hayo mawili katika ukumbi wa Makumbusho ya Taifa jijini Dar es salaam.

Balozi  wa Indonesia nchini Tanzania Tri Yogo Jatmiko, amesema mataifa hayo licha ya kuwa mbali kijiografia na kusababisha changamoto za kibiashara, lakini zina ukaribu mkubwa wa mila, tamaduni na maadili.

Advertisement

Pia amesema serikali hizo mbili zina mpango wa kukaa kujadili njia za kuboresha  sekta ya usafirishaji na changamoto zinazozikabili nchi hizo mbili.

Kwa upande wake Katibu Mkuu wa Mizara ya Mambo ya Nje, Balozi Samwel Shelukindo ameeleza Tanzania wanaweza kupata masoko ya biashara kupitia uwekezaji wa nchi mbalimbali ikiwemo Indonesia na kuahidi kuendeleza uhusiano huo uliodumu kwa takribani miaka 60.

 

 

Pia mwekezaji kutoka Indonesia Feri Augustine, amesema ana imani uhusiano uliopo baina ya Tanzania na Indonesia una nguvu kubwa katika maendeleo na utaendelea kudumu.

 

2 comments

Toa Jibu

Barua-pepe haitachapishwa. Fildi za lazima zimetiwa alama ya *