“Wahitimu vyuo vikuu watatuzi changamoto za jamii”

WIZARA ya Elimu, Sayansi na Teknolojia imesema vyuo vikuu ni viwanda vya kupika wataalamu wa nyanja mbalimbali ambao baada ya masomo yao watatoka na tafiti zao kwenda kutatua changamoto za kijamii.

Katibu Mkuu wa wizara hiyo, Profesa  Carolyne Nombo alisema hayo katika hotuba yake wakati utoaji wa zawadi kwa wanafunzi waliofanya vizuri zaidi kwenye masomo yao na kwa watafiti waliofanya vizuri kwenye tafiti zao.

Hafla ya utoaji zawaidi 248 kwa washindi ilifayika Chuo Kuu cha Sokoine cha Kilimo (SUA) Kampasi kuu ya  Edward Moringe , mkoani Morogoro.

Profesa Nombo amewataka watafiti, wahitimu na wahadhiri waliopo kwenye vyuo vikuu nchini watambue wanaowajibu wa kutatua changamoto mbalimbali kwenye jamii kupitia tafiti zao.

Katibu mkuu wa wizara hiyo amewataka watafiti nchini kuwa tafiti zao zitoke kuifikia jamii ili zitumike kutatua changamoto ambazo jamii inakabiliana nazo.

“Mtafiti endapo  utafiti wake utabaki  kwenye makaratasi hautakuwa na maana yoyote kama  hautaifikia jamii kwa ajili ya kutatua changamoto  zinazowakabili.

” amesema Profesa Nombo

“ Utafiti ambao umefanyika na hasa watafiti hawa waliobuka kidedea tunatarajia utafiti  wao utoke  na kwenda kutatua l changamoto mbalimbai zilizopo kwenye jamii …tunafahamu utafiti huwa unafanyika kutatua changamoto  ya kijamii “ amesema Profesa Nombo

Katibu mkuu amesema utafiti inaoleta manufaa katika  jamii unaonesha maana halisi ya  Vyuo Vikuu kuwa ni viwanda vya kupika wataalamu  wakutatua changamoto kwenye jamii .

“Mwanafunzi ambaye ana pata GPA kubwa ,  hiyo haitakuwa na maana  kama hataweza kurudisha kwa jamii  itachangia maendeleo na ukisoma bila kutatua tatizo lililipo kwenye jamii , elimu yako inakuwa haipo “ amesema Profesa Ndombo

Pia amewashauri  wahitimu wa vyuo vya elimu ya juu kutumia elimu na ujuzi walioopata kuzalisha ajira za  kujiajiri kutokana na stadi za ujuzi waliupata  wakiwa vyuoni.

Naye Makamu Mkuu wa Chuo Kikuu hicho, Profesa Raphael Chibunda amesema malengo makubwa ya kutoa hizo zawadi ni kuwafanya wanafunzi kuwa na ushindani kati yao .

Profesa Chibunda amesema ,kwa  miaka mitano mfululizo idadi ya wanafunzi wakike wanaofanya vizuri na kupata zawadi imeongezeka ingawa chuo kina asilimia 42 ya wanafunzi wakike .

Makamu mkuu wa Chuo Kikuu hicho alisema , katika kuendeleza watafiti wachanga na wabunifu kwa mwaka  wa fedha 2023/2024  kimetenga  Sh bilioni 1 .

Profesa Chibunda amesema, Chuo Kikuu hicho sawa  na  vyuo vikuu vingine, kimepitia na kuboresha mitaala yake ili kuwezesha  kuwa na wahitimu wenye kuajirika na kujiajiri wenyewe baada ya kuhitimu masomo yao..

Habari Zifananazo

1 Comment
Oldest
Newest Most Voted
Inline Feedbacks
View all comments
Back to top button