IDADI watu waliouawa kutokana na mapigano kati ya wakulima na wafugaji katika jimbo la kaskazini la Plateau nchini Nigeria imeongezeka kufikia 100. Mamlaka za ndani zimeeleza.
Mei 16, 2023 watu wenye silaha walivamia vijiji na kuchoma nyumba kadhaa katika eneo la Mangu huku watu 20 wakifariki, wengi wao wakiwa wanawake na watoto.
Vurugu hizo zilikuwa za kulipiza kisasi kwa wakulima waliomuua mchungaji na ng’ombe wake ambao walivamia ardhi yao mwezi uliopita, mchungaji wa eneo hilo Bello Yahaya alisema Ijumaa.
Mwenyekiti wa Serikali ya Mtaa wa Mangu, Waziri Daniel Daput alisema mazishi yamefanyika ya watu 50. Wakazi walisema wengine 50 wangezikwa siku ya Ijumaa na walikuwa wakitafuta watu wengine waliotoweka katika msitu unaozunguka.
Plateau ni moja wapo ya majimbo kadhaa ya kikabila na kidini tofauti ya ukanda unaojulikana kama Ukanda wa Kati wa Nigeria, ambapo migogoro kati ya jamii imeua mamia ya watu katika miaka ya hivi karibuni.
Vurugu hizo mara nyingi huchorwa kama mzozo wa kidini kati ya wafugaji wa Kiislam wa kuhamahama wengi wao wakiwa wa kabila la Fulani na hasa wakulima wa kiasili Wakristo.
Hata hivyo, wataalam wanasema mabadiliko ya hali ya hewa na upanuzi wa kilimo pia umezidisha mzozo huo.
