Watu 101 wadakwa matukio ya uhalifu Moro

JESHI la Polisi mkoa wa Morogoro, linawashikilia watu 101 kwa tuhuma za kuhusika na makosa mbalimbali, yakiwemo wizi wa simu na mikoba ya wanawake, wakitumia  pikipiki na bajaji ( Vishandu), uvunjaji, upokeaji na ununuzi wa mali za wizi.

Kamanda wa Polisi wa Mkoa, Fortunatus Musilimu, amesema  hayo  leo kwa waandishi wa habari,  kuhusu operesheni kali inayoendelea ya kupambana na uhalifu, ambayo ilianza  Septemba 12, mwaka huu .

Musilimu amesema  katika oparesheni hiyo  watu 101 walikamatwa kwa tuhuma za makosa mbalimbali,  ikiwemo kukamatwa pikipiki 10 za aina mbalimbali zisizo na namba za usajili, zinazosadikika zikitumiwa  na baadhi  yao kufanikisha  uhalifu huo.

 

Kamanda wa Polisi Morogoro, akiangalia gari lililobebwa katika fuso (Picha na John Nditi)

Amesema watuhumiwa walikamatwa kutoka maeneo ya Kihonda, Chamwino, Msamvu, Nanenane, Kichangani, Tungi, Mwembesongo, Mafisa  na Mbuyuni  ndani ya Manispaa ya Morogoro.

Musilimu amesema kati ya watuhumiwa hao, 91 ni wanaokujihusisha na uhalifu wa kutumia pikipiki (Vishandu).

Ametaja  vitu vingine  ambavyo walikamatwa navyo , ni simu janja 10 za aina mbalimbali na televisheni za kisasa.

Pia amesema katika operesheni hiyo  walikamata  gari aina ya Land Cruiser, iliyobandikwa  namba bandia N 5978 S na Mercedes benz yenye namba za usajili T .962 BYH, ikiwa ndani ya Fuso  lenye namba za usajili T.567 BRR.

Habari Zifananazo

Back to top button