Dk. Biteko anogesha tamasha kizimkazi

DAR ES SALAAM: NAIBU Waziri Mkuu Mstaafu na Mbunge wa Jimbo la Bukombe, Dk. Doto Mashaka Biteko, amesema Mashindano ya Ngalawa Race ni miongoni mwa matukio makubwa ya kiburudani yanayoipamba Kizimkazi Festival 2026.

Mashindano hayo yamefanyika Kizimkazi, Kusini Unguja Agosti 13, 2026 yaliyokuwa na ushindani mkubwa ambapo Nassor Pandu wa Mkunguni ameibuka mshindi wa mashindano ya Ngalawa ikiwa ni sehemu ya shughuli mbalimbali zinazoendelea katika Tamasha la Kizimkazi.

“Ni dhahiri kwamba mashindano haya yamekuwa muhimu kwa vijana na jamii kwa ujumla. Tukio hili limewaleta pamoja wadau mbalimbali na kuchangia kwa kiasi kikubwa juhudi za kuboresha mazingira ya michezo na burudani,” amesema Dk. Biteko.

Dk. Biteko ameongeza kuwa mashindano hayo yameendelea kutoa fursa za kiuchumi kwa vijana mbalimbali katika kushindana hadi kupata timu mbili bora za Mchangamle na Mkunguni ambapo kila timu imehusisha manahodha 10.