Serikali kuendelea kujenga mazingira bora kwa walimu

MOROGORO; Serikali ya Awamu ya Sita itaendelea kuweka mazingira bora na salama ya kazi kwa walimu wote nchini na  kushirikiana bega kwa bega na Chama cha Walimu Tanzania (CWT)na vyama vyote ambavyo ni halali vya wafanyakazi, ili kuimarisha amani na utulivu mahala pa kazi ambayo ndio chimbuko la ustawi wa kiuchumi na kijamii wa taifa.

Naibu Waziri Ofisi ya Waziri Mkuu , Ajira, Kazi na Mahusiano, Dk Evaline Munisi  amesema  hayo wakati akifungua mafunzo ya kuwajengea uwezo kwa makatibu wa mikoa na wilaya wa CWT nchini  yanayofanyika kwa siku mbili mkoani Morogoro.

Dk Munisi amesema elimu ndio msingi wa maendeleo ya kiuchumi, kisayansi na kijamii na katika kipindi hiki cha awamu ya sita, serikali imefanya uwekezaji mkubwa usio na kifani.

Amesema serikali pia imeendelea kuajiri walimu wapya maelfu kwa maelfu, ili kupunguza uhaba wa walimu na kupunguza mzigo wa kazi kwa walimu waliopo.

Dk Munisi amesema elimu ndio msingi wa maendeleo yote ya kiuchumi, kisayansi na kijamii na katika kipindi hiki serikali imefanya uwekezaji mkubwa usio na kifani katika sekta ya elimu.

Amesema kuwa vyama vya wafanyakazi havikuundwa kwa ajili ya kusigana na waajiri, bali ni  jukwaa la kisheria la kukaa meza moja na waajiri ili kujadiliana kwa hoja ,ushahidi , kuheshimiana na kupata suluhu ya pamoja.

Dk Munisi amesema kuwa serikali inatambua na kuthamini mchango mkubwa na wa kipekee unaotolewa na walimu katika ujenzi wa taifa letu.

Kwa upande wake  Kaimu Katibu Mkuu wa CWT , Magesa  Magesa amesema mafunzo hayo yanahusisha washiriki 240  na yamelenga kuwangezea uwezo kwemye  masuala mbalimbali  ya vyama vyya wafanyakazi  na sheria zinazowahusu wafabnyakazi hususani kwa walimu.

Magesa amesema CWT imeendelea kuwa na ushirika na serikali katika kuboresha elimu , kujenga uwezo kutatua migogoro kwa njia ya mazungumzo  na kuchangia uchumi wa taifa kupitia kodi na ajira pamoja na kuwakilisha taifa katika matukio mbalimbali ya kimataifa ya kielimu.