Nchimbi aahidi kumaliza kero ya barabara

LUDEWA : MGOMBEA Mwenza wa Urais kupitia CCM, Balozi Dk. Emmanuel Nchimbi ameahidi neema kubwa kwa wakazi wa Ludewa baada ya kutangaza miradi mikubwa ya barabara zitakazojengwa na kuboreshwa kwa viwango bora kupitia Ilani ya CCM 2025/2030.

Akihutubia mkutano wa hadhara uliofanyika viwanja vya Halmashauri ya Wilaya ya Ludewa, Dk. Nchimbi alisema ujenzi huo utaongeza kasi ya usafirishaji wa bidhaa na huduma huku ukiunganisha maeneo muhimu ya kiuchumi. SOMA: Rais Mwinyi : Kampeni za CCM zinaonesha taswira ya ushindi

Miongoni mwa barabara zilizotajwa ni pamoja na barabara ya  Njombe-Ludewa na Lusitu–Madilu–Lugarawa, pamoja na barabara za ndani za Ludewa mjini zitakazowekwa lami.

Dk. Nchimbi alisisitiza kuwa utekelezaji wa Ilani mpya utaendelea kujikita katika miradi ya maendeleo itakayowezesha wananchi kunufaika moja kwa moja.