RC Shinyanga: Toeni elimu chanjo ya mifugo

SHINYANGA; Mkuu wa Mkoa wa Shinyanga,  Mboni Mhita amewataka wakuu wa divisheni za mifugo na uvuvi pamoja na maofisa ugani kuendelea kutoa elimu kwa wafugaji kuhusu umuhimu wa chanjo na utambuzi wa mifugo, ili kuongeza usalama na thamani ya mifugo yao.

Mhita ametoa wito huo  Desemba12,2025 wakati wa hafla ya kukabidhi pikipiki 14 zenye thamani ya Sh milioni 44 kwa maofisa ugani kutoka halmashauri zote sita za mkoa na kuhudhuriwa na viongozi mbalimbali.

Amesema pikipiki hizo  zimetolewa na Wizara ya Mifugo ili kurahisisha ufuatiliaji na utoaji wa huduma kwa wafugaji.