Guinra yapiga kura ya maoni kubadilisha katiba

GUINEA : RAIA wa Guinea wamepiga kura ya maoni kuhusu rasimu ya katiba ambayo inaweza kumruhusu kiongozi wa kijeshi, Jenerali Mamadi Doumbouya, kuwania urais licha ya kuchukua madaraka kwa nguvu miaka minne iliyopita.

Kura hiyo ni hatua muhimu katika kipindi cha mpito cha taifa hilo kutoka utawala wa kijeshi kwenda utawala wa raia , lakini wakosoaji wanasema ni unyakuzi wa mamlaka kwa lengo la kuhalalisha utawala wake. Uchaguzi mkuu unatarajiwa kufanyika mwezi Desemba.

Guinea imeorodheshwa miongoni mwa nchi za Afrika Magharibi kama Mali, Niger na Burkina Faso ambako mapinduzi ya kijeshi yamekithiri katika miaka ya karibuni na kuathiri maendeleo nchini humo. SOMA: Tanzania, Guinea Ikweta kuimarisha diplomasia