Iran, IAEA yafikia makubaliano mapya

CAIRO, MISRI : IRAN imekubaliana na Shirika la Umoja wa Mataifa la Kudhibiti Usambazaji wa Silaha za Nyuklia (IAEA) kuhusu mfumo mpya wa ushirikiano, hatua inayochukuliwa baada ya kusimamisha ushirikiano wake kufuatia mzozo na Israel mwezi Juni.

Makubaliano hayo yaliidhinishwa mjini Cairo na Waziri wa Mambo ya Nje wa Iran, Abbas Araghchi, pamoja na Mkuu wa Shirika la IAEA, Rafael Grossi, ambaye alisifu hatua hiyo kama “hatua muhimu katika mwelekeo sahihi.” SOMA: Iran, IAEA kuanza mazungumzo mapya

Huu ulikuwa mkutano wa kwanza wa ngazi ya juu kati ya Iran na IAEA tangu kuahirishwa kwa ushirikiano wao kufuatia vita vya siku 12 na Israel, ambapo Israel na Marekani zilisababisha mashambulizi kwenye vinu vya nyuklia vya Iran.

Wakati wa mkutano huo mjini Cairo, Waziri Araghchi na Grossi walikutana na Rais wa Misri, Abdelfattah al-Sisi, ambaye aliyepongeza makubaliano hayo kama “hatua chanya kuelekea kudhibiti silaha za nyuklia.”

Makubaliano haya yanaashiria jitihada mpya za kidiplomasia katika kudhibiti mzozo wa nyuklia Mashariki ya Kati, huku dunia ikifuatilia kwa karibu hatua za Iran na IAEA.