Kesi ya Kabila Yaanza Kinshasa

KINSHASA : MAHAKAMA ya kijeshi mjini Kinshasa imeanza kusikiliza kesi inayomkabili rais wa zamani wa Jamhuri ya Kidemokrasia ya Congo (DRC), Joseph Kabila, akituhumiwa kwa makosa ya uhaini, mauaji na mateso yanayohusishwa na kundi la waasi wa M23.

Kabila pia anakabiliwa na mash charges ya ushirikiano na vuguvugu la uasi, uhalifu dhidi ya amani na usalama wa binadamu na kunyakua kwa nguvu mji wa Goma.

Serikali ya Rais Felix Tshisekedi imekuwa ikimtuhumu Kabila kwa mipango ya kutaka kumuondoa madarakani, tuhuma ambazo yeye amezikana, akiiita kesi hiyo ya kisiasa ya kukandamiza upinzani.

Kesi hiyo inakuja wiki moja baada ya serikali ya DRC kusaini makubaliano ya kusitisha mapigano mashariki mwa nchi hiyo, ambapo kundi la M23 limekuwa likiendesha mashambulizi kwa muda mrefu.

Kabila alionekana mwezi Mei mjini Goma, wakati mji huo ukiwa tayari umeshanyakuliwa na waasi hao tangu Januari. SOMA: Kabila aondolewa kinga ya kushtakiwa DRC