PSSSF kutoa ajira 3,000 kwa watanzania

UWEKEZAJI wa ubia uliofanywa na Mfuko wa Hifadhi ya Jamii kwa Watumishi wa Umma (PSSSF), katika viwanda vinne nchini vinatarajiwa kuzalisha ajira za moja kwa moja zaidi ya 3,000  na zisizo rasmi kwa maelfu ya Watanzania .

Maneja Mipango na Uwekezaji wa Mfuko huo, Herman Gudluck amesema  hayo Machi 31, 2023 wakati akiwasilisha mada kuhusu masuala ya uwekezaji kwa wahariri kutoka vyombo mbalimbali vya habari nchini walioshiriki mkutano wa 12 wa Jukwaa la Wahariri Tanzania (TEF),Mjini Morogoro.

Gudluck amesema   PSSSF imeingia ubia katika ujenzi wa kiwanda cha Chai kilichopo Mponde mkoani Tanga na  Kiwanda cha kuchakata tagawizi cha Mamba Myamba kilichopo wilaya ya Same , mkoani Kilimanjaro .

Vingine ni Kiwanda cha bidhaa  za Ngozi kilichopo mkoani Kilimanjaro pamoja na  Kiwanda cha machinjio ya kisasa ya Nguru Hills kilichopo wilaya ya Mvomero, mkoani Morogoro.

Amesema  viwanda hivyo vyote vitakapokamilika vitagharimu kiasi cha Sh bilioni 164 sawa na asilimia mbili ya mapato ya Mfuko huo  na kwamba uwekezaji huo ambao umefanyika kwa ubia bila kuingilia  sera zinazoongoza mfuko huo.

Gudluck amesema  kiwanda cha tangawizi , Mfuko umeingia ubi ana wakulima wa eeno hilo na kununua mashine mpya kwa uwekezaji wa Sh bilioni nane  na hadi sasa kiwanda kimekamilika na kuanza kufanya kazi ya uzalishaji.

Wakati  kiwanda cha Chai  Mponde ambacho wameingia ubia na  Mfuko wa Fidia kwa Wafanyakazi ( WCF), na kwa  sasa kipo katika hatua ya mwisho kukamilika  , na kwa kiwanda cha bidhaa za Ngozi nacho kinatarajiwa kukamilika mwaka huu (2023).

Gudluck amesema ,  Kiwanda cha machinjio ya kisasa ya Nguru Hills  , Mfuko huo umewekeza kiasi cha Sh bilioni 8.

3 na kwa sasa kimeanza kazi ya kuchinja na kuchakata nyama ambazo inasafirishwa kwenda nje ya nchi na nyingine ndani ya nchi.