Mkumbo: Changamkieni matibabu bure

DAR ES SALAAM:WAZIRI wa Nchi,Ofisi ya Rais Mipango na Uwekezaji Prof,Kitila Mkumbo amewataka wananchi kuchangamkia kambi ya matibabu bure na ushauri wa kitabibu unaotolewa katika Kituo cha Biashara Cha Afrika Mashariki (EACLC) kwani ina lengo la kiwasaidia matibabu wananchi bila malipo.

Hayo ameyasema jana wakati alipotembelea katika kituo hicho cha kibiashara ambapo kambi hiyo imeanza jana na itaisha leo na kusema kuwa kwenye kambi hiyo kuna vipimo vikubwa ikiwa imetokana na mahusiano mazuri baina ya Tanzania na China.

Aidha Prof Mkumbo ameomba kambi hiyo ya kimatibabu ifanyike kila mwaka kwani muitikio wa wananchi umekuwa mkubwa na inawasaidia wananchi kupata huduma za kimatibabu.

Kwa Upande wake Mkurugenzi wa Kituo cha Kibiashara Afrika Mashariki ( EACLC) Cathy Wang amesema kambi hiyo ya kimatibabu kama kituo cha kibiashara wameamua kurudisha fadhila kwa jamii inayowazunguka kwani biashara inayokuwa ni lazma iende sambamba na jamii.

Kwa upande wao wananchi walipata huduma hiyo Shabani Said na Rose Muhaya wamesema matibabu hayo yamewasaidia na wamepata huduma nzuri huku wakiomba siku ziongezwe kwani siku mbili ni ndogo na wingi wa wawatu ni mkubwa