Yanga ni kama maji haikwepeki
Spika wa Bunge aipa tano
DODOMA: SPIKA wa Bunge, Dk. Tulia Ackson ameipongeza klabu ya Yanga kwa ushindi wa mabao 5-1 dhidi ya Simba.
Pongezi hizo amezitoa leo bungeni, jijini Dodoma katika Mkutano wa 13, Kikao cha sita cha Bunge.
“Tunawapongeza Yanga kwa mpira mzuri waliocheza jana,” amesema Dk. Tulia
Hata hivyo, pongezi hizi za Dk. Tulia zimechagizwa zaidi na ishara za wabunge kumpungia Spika mkono.
“Waheshimiwa wabunge nilikuwa natafakari hapa, kumbe napungiwa mkono kuenesha kwamba jana Yanga wamefunga magoli matano.” Amesema Dk. Tulia
