Wadau wakutana kujadili mkakati AFCON 2027

DAR ES SALAAM — Wadau kutoka taasisi mbalimbali za serikali na sekta binafsi wamekutana kujadili Mkakati wa Kitaifa wa maandalizi ya Mashindano ya AFCON 2027, katika mkutano uliofanyika jijini Dar es Salaam.

Mkutano huo umefanyika katika Hoteli ya Johari Rotana na umewakutanisha wadau muhimu kwa lengo la kuweka mwelekeo wa pamoja wa maandalizi ya Tanzania katika kushiriki na kuwa mwenyeji wa michuano hiyo mikubwa ya soka barani Afrika.

Majadiliano yamelenga kuimarisha uratibu, kuongeza ushirikiano kati ya sekta ya umma na binafsi, pamoja na kubaini fursa za kiuchumi na kijamii zitakazotokana na mashindano hayo.

AFCON 2027 inatarajiwa kuwa moja ya matukio makubwa ya michezo barani Afrika, huku maandalizi yake yakihitaji mipango madhubuti katika miundombinu, huduma na usimamizi wa matukio.