ACT kujadili uchaguzi mitaa
CHAMA cha ACT-Wazalendo kinatarajiwa kufanya kikao cha Halmashauri Kuu kitachojikita katika kujipanga kuelekea uchaguzi wa Serikali za Mitaa.
Taarifa iliyotolewa na Naibu Katibu Mwenezi wa chama hicho, Shangwe Ayo kikao hicho kitafanyika Agosti 25, kitatanguliwa na kikao cha Kamati Kuu kitachokutana Agosti 24, vikao vyote vitafanyika makao makuu ya chama hicho Magomeni, Dar es salaam.
Shangwe amesema mbali na Agenda ya uchaguzi wa Serikali za Mitaa, vikao hivyo vitapokea taarifa ya utekelezaji wa programu za chama katika kipindi cha miezi sita iliyopita na kupanga programu za chama katika kipindi cha miezi sita ijayo.
Kamati Kuu ya @ACTwazalendo itakutana Agosti 24, 2024 katika Ukumbi wa Juma Duni Haji; na Halmashauri Kuu itakutana Agosti 25, 2024 katika Ukumbi wa Hakainde Hichilema.#ZanzibarMpya #ZanzibarMoja #MamlakaKamili #TaifaLaWote #MaslahiYaWote pic.twitter.com/kefaAweC2u
— ACTWazalendo (@ACTwazalendo) August 22, 2024
“Pia kikao hicho kitapokea taarifa juu ya utekelezaji wa Azimio la Halmashauri Kuu iliyopita la kujitoa kwenye Serikali ya Umoja wa Kitaifa ya Zanzibar,” imeeleza taarifa hiyo.
Kikao cha Halmashauri Kuu kinatarajiwa pia kujaza nafasi za manaibu katibu wakuu Bara na Zanzibar ambao hawakuteuliwa kwenye kikao kilichopita.
SOMA: ACT Wazalendo waivuruga Chadema Lindi
View this post on Instagram
