Dk Mwinyi ajivunia kuvuka lengo utekelezaji miradi

ZANZIBAR: RAIS wa Zanzibar na Mwenyekiti wa Baraza la Mapinduzi, Dk Hussein Ali Mwinyi amejivunia miaka mitatu ya Serikali ya awamu ya nane madarasa 2,273 sawa na asilimia 150 ya malengo ya ilani ya CCM kwa ujenzi wa Skuli mpya Unguja na Pemba hivyo  kuvuka malengo ya Ilani ya  CCM 2020-2025  iliyoelekeza kujengwa madarasa 1,500 ya Msingi na Sekondari  Unguja na Pemba kwa miaka mitano.

Dk Mwinyi amesema hayo alipoweka jiwe la msingi la ujenzi wa  Skuli ya Sekondari ya Utaani Wilaya ya Wete Mkoa wa Kaskazini Pemba Januari 04, 2024 katika shamrashamra za  Maadhimisho ya Miaka 60 ya Mapinduzi ya Zanzibar.

Aidha, Rais Dk.Mwinyi amesema ni matumaini yake uwekezaji unaoendelea kufanywa na Serikali kuimarisha miundombinu katika sekta ya elimu utachochea zaidi ufaulu wa wanafunzi.

Kwa upande mwingine Rais amemtaka mkandarasi wa ujenzi wa Skuli hiyo Benchmark na Wakala wa Majengo Zanzibar (ZBA) kumaliza ujenzi wa Skuli ya  Utaani mwezi Machi mwaka huu na atafika  kufungua  baada ya kukamilika.

Naye, Naibu Katibu Mkuu CCM Zanzibar Dk Mohamed Said Dimwa amempongeza Rais Dk Mwinyi kwa kuvuka malengo ya utekelezaji wa  Ilani ya CCM 2020-2025 katika sekta ya elimu nchini.

Halikadhalika Rais Dk.Mwinyi amelitaka Shirika la Biashara Zanzibar (ZSTC) kuagiza chakula nje  kukabiliana na kupanda kwa bidhaa nchini, Serikali italiwezesha shirika hilo kifedha  kuagiza chakula nje kuleta ushindani na wafanyabiashara binafsi kuhakikisha wananchi wanapata chakula kwa bei  nafuu kabla ya kuingia Mwezi Mtukufu wa Ramadhan.

 

 

 

 

 

Habari Zifananazo

Back to top button