Mali Algeria zalumbana kuhusu droni

NEW YORK : TUKIO la kudunguliwa droni ya Mali katika anga ya Algeria limezidisha mvutano kati ya mataifa haya mawili ya Kaskazini mwa Afrika, likiwa jambo lililozua malumbano makali katika mkutano wa Baraza Kuu la Umoja wa Mataifa.

Waziri wa Mambo ya Nje wa Algeria, Ahmed Attaf, amesema Algeria iliikabili Mali kwa maneno, akisisitiza kuwa serikali ya Mali iliyochukua madaraka kwa njia ya mapinduzi haina haki ya kuikosoa nchi yake. Kauli hiyo ilijiri baada ya waziri mkuu wa Mali, Abdoulaye Maiga, kutoa hotuba mbele ya Baraza Kuu, akituhumu Algeria kwa kuunga mkono kile alichokiita ugaidi wa kimataifa kufuatia tukio la droni. SOMA: Mkutano wa dharura DRC kufanyika Paris

Aidha, Mali imefungua kesi katika Mahakama ya Kimataifa ya Haki, hatua ambayo maafisa wa Algeria wameiita ni kitendo cha kukosa haya. Tukio hili limevuruga sana mahusiano ya kidiplomasia kati ya Mali na Algeria, likionyesha jinsi mvutano wa kijiografia na kisiasa unaweza kuathiri uhusiano wa mataifa jirani.