Tanzania mabingwa mchezo wa goli Feasssa 2024

TIMU ya Tanzania katika mchezo wa mpira wa goli imeendelea kuonesha ubabe baada ya kutwaa ubingwa mara nne kwenye mashindano ya FEASSSA 2024 yanayofanyika mji wa Mbale, nchini Uganda.

Mchezo huo ulizikutanisha timu zenye wanafunzi wenye uoni hafifu na ni moja ya michezo inayoshindaniwa katika mashindano hayo.

SOMA:Timu za Tanzania zagawa dozi Feasssa Uganda

Timu ya Tanzania ambayo ni mabingwa watetezi wa mpira huo tangu mwaka 2021, wametetea ubingwa wao baada ya kuibuka na ushindi wa magoli 10-0 dhidi ya timu ya Uganda kwenye mchezo wa fainali uliochezwa Agosti, 25, 2024 katika viwanja vya shule ya Sekondari Bukedea nchini humo.

Aidha, wanafunzi Elisha Innocent Musa pamoja Tumsifu lazaro Kitambuli wameshika nafasi ya kwanza ya wachezaji bora wa mchezo huo.