Aweso aagiza mradi wa maji Msumi kukamilika

WAZIRI wa Maji, Jumaa Aweso ameitaka Mamlaka ya Majisafi na Usafi wa Mazingira Dar es Salaam (DAWASA) kukamilisha Mradi wa Maji wa Msumi wenye thamani ya takribani Sh Bilioni 1.9 ndani ya miezi mitatu.

Waziri Aweso ametoa maelekezo hayo katika mkutano wa hadhara akihutubia wakazi wa eneo la Msumi, wilaya ya Ubungo, jijini Dar es Salaam.

SOMA: Wizara ya Maji kufufua visima 197 Dar

Amesema kazi ya utekelezaji wa mradi huo ni lazima ifanyike kwa saa 24 ili ukamilike haraka na kumaliza kero ya huduma ya maji kwa wanachi.

Amemuelekeza Katibu Mkuu Wizara ya Maji, Mhandisi Mwajuma Waziri kuidhinisha sh milioni 500 kwa DAWASA ndani ya siku saba ili kukamilisha kazi zilizobaki.

“Nikutie moyo Mbunge wa Jimbo la Kibamba, Angela Kairuki mradi huu nitausimamia kwa karibu na tukimaliza vikao vya Bunge mwezi Februari, 2026 tunakuja wote kuuzindua”, amesema Aweso.