Chang’a ataka vitendo sio maneno

KAIMU  Mkurugenzi Mkuu wa Mamlaka ya Hali ya Hewa Tanzania (TMA), Dkt. Ladislaus Chang’a amewataka watumishi wa TMA kutumia kauli mbiu ya Rais Dkt. Samia Suluhu Hassan kwa vitendo.

Dkt. Chang’a aliyasema hayo wakati akifungua rasmi mafunzo ya kuongeza uwezo kwa wataalam wa TMA katika utabiri wa mvua za msimu.

“Watumishi wote mnatakiwa kuangalia namna gani tunaweza kuishi kwa vitendo kauli mbiu ya ‘Kazi Iendelee’ kwa kuzingatia weledi na umahiri mkubwa, kauli ambayo Mhe. Rais amekuwa akiisisitiza kila wakati”. Alisema Dkt. Chang’a na kuongeza

“Sisi, Mamlaka ya Hali ya Hewa Tanzania (TMA) jukumu letu la msingi ni kutoa utabiri wa hali ya hewa hivyo mafunzo haya yatasaidia kuendeleza kazi yetu ya msingi na kutoka viwango tulivyopo kwenda viwango vya juu zaidi ikiwa ni maana halisi ya kazi iendelee”. Alisisitiza Dkt. Chang’a.

Kwa upande wake, Mkurugenzi wa Huduma za Utabiri, Dkt. Hamza Kabelwa alisema mafunzo hayo ni kwa ajili ya kuwajengea uwezo wataalam wa TMA na kusaidia kuboresha huduma za hali ya hewa zinazotolewa kwa wadau mbalimbali.

 

 

Habari Zifananazo

Back to top button