Halmashauri Wilaya ya Iringa yahamia Ihemi

HALMASHAURI ya Wilaya ya Iringa imehamisha rasmi huduma zake za kiofisi katika majengo ya siasa ni kilimo mjini Iringa na kuzipeleka katika jengo lake jipya lililopo katika kijiji cha Ihemi, kilometa 35 kutoka mji huo, barabara kuu ya kuelekea Mbeya.

Jengo hilo la ghorofa moja limejengwa kwa Sh bilioni 2.7 ikiwa ni utekelezaji wa agizo lililotolewa na aliyekuwa Rais wa Awamu ya Tano, Marehemu Dk John Magufuli lililozitaka halmashauri zote nchi kuwa na ofisi zake ndani ya maeneo yao ya utawala .

Uzinduzi wa utoaji huduma katika jengo hilo ulioanza leo umefanywa na Mkuu wa Wilaya ya Iringa, Veronica Kessy kwa niaba ya Mkuu wa Mkoa wa Iringa, Halima Dendego aliyewaagiza watumishi wa Halmashauri hiyo kuhakikisha wanakuwepo siku zote za kazi na kutoa huduma kwa wananchi kwa viwango na ubora wa hali ya juu.

Mbali na vigezo vingi vilivyotumiwa na halmashauri hiyo kujenga ofisi hiyo kijijini hapo Kessy aliwashukuru wananchi wake kwa kukubali kutoa maneo yao bila kudai fidia.

Mwenyekiti wa Halmashauri ya Wilaya ya Iringa, Steven Mhapa alikipongeza kijiji hicho akisema uamuzi wao wa kutoa eneo hilo umekiwezesha kupata jengo la kwanza la ghorofa katika historia yake.

Mhapa aliwataka watumishi zaidi ya 200 wa halmashauri hiyo kuhamishia uchumi wao katika kijiji hicho ili kuharakisha maendeleo yake.

“Msichelewe kutumia fursa zilizopo kijijini hapa. Jengeni nyumba za kuishi na za biashara zikiwemo nyumba za kulala wageni ili kwa muda mfupi kijiji hiki kipate hadhi ya mji mdogo,” alisema.

Aidha alizikaribisha taasisi mbalimbali za maendeleo zikiwemo benki za kibiashara kuwekeza katika kijiji hicho ili kusogeza huduma zao karibu na halmashauri hiyo, watumishi na wananchi.

Mkurugenzi wa halmashauri hiyo, Bashir Muhoja alitoa mchanganuo wa ujenzi wa ofisi hiyo akisema Sh Bilioni 2 zimetumika kukamilisha jengo hilo na Sh Milioni 700 zinajenga uzio utakaokamilika Oktoba mwaka huu.

Aidha alisema halmashauri hiyo inaendelea na ujenzi wa nyumba ya mkurugenzi inayojengwa kwa Sh Milioni 150 na nyumba tatu za wakuu wa idara zinazojengwa kwa Sh milioni 240.

“Lakini pia tumepokea Sh Milioni 300 kwa ajili ya samani za ofisi na kuungabisha mfumo wa Teknolojia ya Habari na Mawasiliano, Tehama,” alisema Muhoja.

Alisema kwa kupitia mapato ya ndani watajenga mgahawa katika eneo hilo na jengo lingine dogo la ofisi ili lisaidie kukidhi mahitaji ya watumishi wa idara zake zote.

Mbali na viongozi mbalimbali wa serikali na siasa, uzinduzi wa utoaji wa huduma katika jengo hilo ulihudhuriwa pia na viongozi wa kimila, dini na wananchi wa kijiji hicho.

Habari Zifananazo

Subscribe
Notify of
guest
6 Comments
Oldest
Newest Most Voted
Inline Feedbacks
View all comments
Mining Census 2023/Ms Mtumwa Said Sandal
Mining Census 2023/Ms Mtumwa Said Sandal
1 month ago

Mining Census 2023

Watanzania mnakaribishwa kwenye SENSA ya Madini 2023 yenye lengo la kujua idadi ya migodi Tanzania, Idadi ya wachimbaji au watanzania wanaoshughulika na sekta ya Madini, Hali ya uchimbaji wa madini (zana zitumikazo kwa kila mgodi, aina ya teknolojia) na mapendekezo ya mbinu za kuboresha Sekta ya Madini.

Julia
Julia

Earn income while simply working online. Work from home whenever you want. Just for maximum 5 hours a day you can make more than $600 per day online. From this I made $18,000 last month in my spare time.
.
.
Detail Here————————————————–>>> http://Www.OnlineCash1.Com

Velma Rogers
Velma Rogers
1 month ago

I’ve profited $17,000 in just four weeks by working from home comfortably part-time. I was devastated when I lost my previous business right away, but happily, I found this project, which has allowed me to get thousands of dollars from the comfort cfs06 of my home. Each person may definitely complete this simple task and earn extra money online by
visiting the next article———>>> https://workscoin1.pages.dev/

Last edited 1 month ago by Velma Rogers
hongera
hongera
1 month ago

hongera

Tangazo.PNG
ABUBAKAR
ABUBAKAR
1 month ago

R-I-P MH magufuli

Benjamin
Benjamin
1 month ago

Weee jamaa mwandishi ni tahira kweli yaani hayati magufuli unamuita marehem magufuli

Back to top button
6
0
Would love your thoughts, please comment.x
()
x