Kwa nini kila familia inahitaji bima ya afya!
DAR ES SALAAM; KAMA wewe ni mzazi au mlezi, unajua kuwa hakuna kitu muhimu kama afya ya familia yako. Lakini ukweli ni kwamba mara mtu anapougua ndani ya familia, si tu hofu ya ugonjwa inayotia wasiwasi. Bili za hospitali nazo zinaweza kuwa mzigo mkubwa.
Kwa familia nyingi, gharama za matibabu hulipwa moja kwa moja kutoka mfukoni, hii inamaanisha kila safari ya hospitali, vipimo, sindano au upasuaji una gharama ambayo inaweza kuwa kubwa, hasa inapokuja ghafla.
Ugonjwa wa ghafla au ajali unaweza kuondoa akiba iliyokusudiwa kwa ada za shule, kodi ya nyumba au hata chakula.
Ndiyo maana bima ya afya ni muhimu. Sio anasa. Ni mtandao wa usalama.
Ukiwa na bima nzuri ya afya ya familia, hauko peke yako pale dharura zinapotokea. Bima huchukua sehemu kubwa ya gharama, hivyo huhitaji kuhangaika kutafuta pesa wakati wa dharura. Inakupa jambo moja dogo la kukuondoa kwenye wasiwasi, na kukuwezesha kujikita katika kumsaidia mpendwa wako kupona.
Lakini bima ya afya haipo tu kwa ajili ya dharura. Inagharamia pia mahitaji ya kawaida ya kiafya, kama vipimo vya kila mwaka, chanjo kwa watoto, huduma ya uzazi, au matibabu ya magonjwa sugu kama pumu, magonjwa ya moyo, kansa, au kisukari.
Huduma hizi za mara kwa mara husaidia kuzuia matatizo madogo kuwa makubwa na ya gharama kubwa baadaye.
Chukua mfano wa J-Care Premium kutoka Jubilee Health. Ni mpango wa afya uliobuniwa kwa kuzingatia familia.
Iwe ni mtoto mchanga aliye na mafua, mama anayehitaji huduma ya uzazi, au mzazi mzee anayehitaji vipimo vya mara kwa mara, wote wamejumuishwa katika mpango mmoja.
Na kwa mtandao mpana wa hospitali na madaktari, huduma bora haiko mbali na nyumbani.
La muhimu zaidi, bima inakupa utulivu wa moyo. Unaweza kuingia hospitalini ukiwa na uhakika kuwa familia yako itapata huduma stahiki bila hofu ya bili kukumalizia akiba. Inalinda familia yako dhidi ya hatari za kiafya na misukosuko ya kifedha.
Tuwe wakweli hakuna anayepanga kuugua. Lakini kuwa na mpango bima pale ugonjwa unapojitokeza hubadilisha kila kitu. Familia nyingi husubiri hadi janga la kiafya litokee ndipo waanze kufikiria kuhusu bima. Na wakati huo mara nyingi huwa tayari umechelewa.
Bima ya afya ni hatua ya busara na ya mapema kuelekea maisha tulivu na salama. Sio suala la pesa tu bali ni kuhusu heshima, upatikanaji wa huduma, na utulivu wa moyo. Ni kuhusu kujua kuwa umefanya kila lililowezekana kuwalinda wale unaowapenda zaidi.
Kwa hiyo kama umekuwa ukiahirisha, sasa ni wakati mzuri wa kuchukua hatua hiyo. Zungumza na mtoa huduma unayemwamini. Elewa chaguzi zako. Tafuta mpango unaofaa mahitaji ya familia yako na bajeti yako.
Kwa sababu hakuna kitu kinachopaswa kuwa kikwazo kwa afya ya familia yako—hata bili ya matibabu.
Mwandishi ni Mkuu wa Mauzo ya Rejareja wa Jubilee Health Insurance
