Lowassa kutetea ubunge Monduli
ARUSHA: Kinyang’anyiro cha udiwani na ubunge kwa Mkoa wa Arusha kimeanza ambapo Mbunge wa Jimbo la Monduli, Fredy Lowassa amechukua fomu na kutetea nafasi yake.
Mwandishi wa habari hii alishuhudia zoezi hilo la uchukuaji fomu ambapo Katibu wa Chama cha Mapinduzi Wilaya ya Monduli, Rukia Omary amesema aliyefungua pazia la uchukuaji fomu ni Lowassa.
Fredy amejitokeza mapema leo kuchukua fomu ambapo zoezi hilo limeanza leo na linatarajia kuisha Julai 2 mwaka huu.
