Mavunde aagiza dosari za uchimbaji zifanyiwe kazi Mwakitolyo

WAZIRI wa Madini, Anthony Mavunde amemuelekeza  Naibu Katibu Mkuu wa Wizara ya Madini, Msafiri Mbibo kufanyia kazi marekebisho ya dosari zote za kiusalama zilizopo katika eneo la Mwakitolyo mkoani Shinyanga.

Eneo hilo la  Mwakitolyo lipo chini ya ubia wa msaada wa kiufundi (technical support), ambapo Mavunde ameagiza dosari zote za kiusalama  zilizopo zirekebishwe, ili kuwaruhusu wachimbaji wadogo wafanye shughuli za uchimbaji katika mazingira ambayo ni rafiki.

Akizungumzia mkoani Shinyanga, Mavunde pia ametaka wachimbaji wadogo wasibugudhiwe na kupiga marufuku mchimbaji mdogo yoyote kuondolewa katika eneo lake kwa kuwa eneo hilo liligawiwa kwa wachimbaji wadogo kama wanufaika wa kwanza.

Mavunde ametoa maagizo hayo wakati akipokea taarifa ya ukaguzi uliofanywa na timu ya wataalamu aliyoiunda kuhusu  uchambuzi wa mikataba kati ya vikundi vya wachimbaji wadogo wa madini  na wabia (technical support) kwenye  leseni za uchimbaji mdogo  zilizopo katika eneo la Mwakitolyo  mkoani Shinyanga.

Katika uchunguzi huo kamati imebaini sehemu kubwa ya maduara hayapo katika hali salama  ya uchimbaji.

Akiwasilisha taarifa hiyo, Mwenyekiti wa timu ya watalaamu Mhandisi Ally Samaje  amebainisha kwamba eneo la uchimbaji la Mwakitolyo linahitajika kukatwa kwa miamba inayoyoning’inia na kurekekebisha maduara, ili wachimbaji wachimbe kwa usalama zaidi na kuongeza uzalishaji kuliko ilivyo hivi sasa.

Habari Zifananazo

1 Comment
Oldest
Newest Most Voted
Inline Feedbacks
View all comments
Back to top button