KATIBU Mkuu wa Jumuiya ya Afrika Mashariki (EAC), Dk Peter Mathuki, ameutaka Umoja wa Afrika (AU) kuunga mkono Jumuiya hiyo kukabili ugaidi sambamba na utatuzi wa migogoro ili kuimarisha amani na usalama.
Mathuki alibainisha hayo wakati akizungumza katika kikao cha Baraza la Amani na Usalama la AU na Jumuiya za Kiuchumi za Kikanda (RECs) na Mifumo ya Kikanda (RMs) kilichofanyika nje ya Mkutano Mkuu wa 77 wa Umoja wa Mataifa (UNGA) New York, Marekani.
“Tunatoa mwito kwa Umoja wa Afrika kuunga mkono jumuiya za kiuchumi za kikanda kama vile EAC katika kupambana na ufadhili wa ugaidi na kupambana na utakatishaji fedha, ambao unadhoofisha utawala kupitia rushwa, ukwepaji kodi na kukuza masoko,” alisema.
Kwa mujibu wa Dk Mathuki, ugaidi unaendelea kuwa tishio kubwa kwa usalama katika Kanda ya EAC huku mashirika kadhaa ya kigaidi yakiwa na nyayo ndani ya EAC kama vile Al Shabab, FDLR, ADF, LRA na marehemu Ansar al Sunna.
“EAC inaona haja ya uharaka katika kukabiliana na ugaidi, kwa kuzingatia idadi ya RECs na mwingiliano wa wanachama ambao unahitaji uwiano, uratibu na malezi ya kusaidiana,” alisema.
