Lufingo: Tulinde amani ya nchi

MSANII wa filamu za Bongo Movie, Daniel Lufingo, amesema kuwa uwepo wa amani katika jamii ni jambo la msingi kwa wasanii kwani kazi zao hutegemea mazingira tulivu pamoja na ushirikiano mzuri kati ya jamii na serikali.

Akizungumza na Habari Leo, Lufingo maarufu kama “Adam” kupitia tamthilia ya (Noma), amesema kuwa amani ya kweli hujengwa juu ya msingi wa haki, ambapo kila mtu anapaswa kutimiza wajibu wake kwa manufaa ya jamii.

Amesema kuwa sekta ya sanaa inahitaji mazingira salama na tulivu ili wasanii waweze kuibua ubunifu wao na kutoa kazi zenye tija kwa jamii. “Amani ni tunda la haki. Bila haki, haiwezekani kuwa na amani ya kudumu,” alisema Lufingo. SOMA: Vijana wataka amani ilindwe