SUDAN KUSINI : MAKAMU wa Rais wa Sudan Kusini, Riek Machar, amesema mabadiliko ya Baraza la Mawaziri yaliyofanyika mapema wiki hii, yakiwemo kuwafuta kazi maafisa kadhaa waandamizi, yanahatarisha mkataba wa amani uliotiwa saini mwaka 2018.
Machar, ambaye uhasama wake wa kisiasa na Rais Salva Kiir ulisababisha vita vya wenyewe kwa wenyewe nchini humo, ametoa wito wa kurejeshwa kazini kwa Waziri wa Afya, Yolanda Awel Deng, na Gavana wa Equatoria Magharibi, Jenerali Alfred Futuyo Karaba, ambao walifutwa kazi na Rais Kiir siku ya Jumanne.
Wawili hao, pamoja na viongozi wengine waandamizi, ikiwemo makamu wawili wa rais na Mkuu wa Ujasusi wa nchi hiyo, walifutwa kazi na Rais Kiir, hatua ambayo Machar amesema inakiuka mkataba wa amani wa 2018 unaosimamia ushirikiano katika utawala.
“Uamuzi huu uliochukuliwa na Rais Kiir bila kunishirikisha unavunja mkataba wa amani na unaweza kuathiri ufanisi wa serikali ya pamoja,” alisema Machar.
Hadi sasa, Ofisi ya Rais Kiir haijatoa taarifa yoyote kuhusu masuala yaliyot raised na Machar.
Migogoro kati ya Machar na Kiir ilianza mwaka 2013 na kusababisha mzozo wa kivita nchini Sudan Kusini, mzozo ulioisha kwa makubaliano ya amani mwaka 2018. SOMA: Sudan Kusini waahirisha uchaguzi Desemba 2026
