Sekou Toure yapongeza mafanikio ya sekta ya afya

MWANZA: HOSPITALI ya Rufaa ya mkoa Sekou toure imempongeza Rais wa Jamuhuri y Muungano Tanzania Dk Samia Suluhu Hassan kwa kuwapatia Hospitali hiyo katika vifaa tiba na miundo mbinu .

Pongezi hizo zimetolewa leo na Mganga Mfawidhi wa Hospitali ya Rufaa ya Mkoa Sekou Toure, Bahati Msaki wakati wa Tamasha la Mbio Pole na kupongeza mafanikio ya sekta ya afya liliofanyika katika viwanja vya Sekou Toure mkoani Mwanza

Msaki amesema tokea Rais Samia aingie madarakani mpaka sasa, Hospital yao ilipokea mtambo wa kuzalishia hewa tiba kwajili ya kutengeneza hewa tiba na mtambo huo tayari umesimikwa na ulianza kuzalisha hewa tiba.

Amesema uwepo wa mtambo huo umesaidia kuokoa shilingi milioni 54 zilizokuwa zikitumika kununua vifaa hewa tiba kwa wazabuni.

Amesema hospitali yao inatoa huduma ya M-mama tokea Mei 2023 na mpaka sasa wagonjwa 10743 wamepata huduma kwa mchanganuo wa wakina mama 8193, watoto 2537 na mama na mtoto kwa pamoja 13.

Katika miundo mbinu,Msaki amesema Serikali iliboresha miundo mbinu ya majengo mbalimbali ikiwemo jengo la huduma za ufuaji na ujenzi wa jengo ya kusimika kiteketeza taka cha kisasa.

Amesema katika mwaka huu wa fedha 2025/2026 hospitali yao inategemea kuanza ujenzi wa jengo jipya la kisasa la wagonjwa wa dharura na ajali(EMD), OPD na wagonjwa wanaohitaji uangalizi maalumu(ICU).

Akielezea zaidi kuhusu ujenzi huo, Msaki amesema jengo hilo litakuwa na ghorofa tisa na tayari wameshatenga shilingi bilioni 5 kwajili ya ujenzi wa jengo hilo.