Wachangia Sh milioni 280 utekelezaji miradi Morogoro

WANANCHI mkoani Morogoro wameonesha kitendo cha uzalendo kwa kuchangia kiasi sha Sh milioni 280.9 kati ya Sh bilioni 12 .1 kwa ajili ya utekelezaji wa miradi mbalimbali ya maendeleo katika mbio za Mwenge wa Uhuru  2023.

Mkuu wa Mkoa wa Morogoro ,Fatma Mwassa alisema hayo katika  hotuba yake ya mapokezi na makabidhiano  ya Mwenge  wa Uhuru kutoka kwa Mkuu wa Mkoa wa Iringa , Halima Dendego  katika sherehe iliyofanyika jana ( Mei 6, 2023), kata ya Chita , Halmashauri ya Mlimba Wilaya ya Kilombero.

Mwassa alisema Mwenge wa Uhuru utapitia jumla ya miradi 68 yenye thamani ya Sh bilioni  12,1 kwa ajili ya ufunguzi, uzinduzi, uwekaji mawe ya msingi na kukagua , hivyo  miradi 24 itawekewa jiwe la msingi, mitano  itafunguliwa, 19 itazinduliwa na miradi 20 itakaguliwa.

Mkuu wa mkoa alisema kati ya fedha hizo , wananchi wamechangia kiasi cha sh milioni 280.9, halmashauri Sh bilioni 2.014 ,serikali kuu Sh bilioni 7.8 na wahisani na Asasi mbalimbali  Sh bilioni 2.031.

Mwassa aliwapongeza wananchi wa mkoa huo kwa kuonesha moyo wao wa uzalenzo kuchangia fedha na nguvu kazi  kwenye miradi ya maendeleo  na ikia ni kuunga mkono juhudi za  serikali katika kuwaletea maendeleo yao .

Mkuu wa mkoa alitaja  ujumbe wa Mwenge wa Uhuru mwaka 2023 ni : “ Kuhifadhi Mazingira na kutunza vyanzo vya Maji kwa ustawi wa viumbe hai na Uchumi wa Taifa” .

Ujumbe huo unaambatana na kaulimbiu ya : “Tunza Mazingira, Okoa vyanzo vya Maji kwa ustawi wa viumbe hai na Uchumi wa Taifa”.

Mbio za Mwenge wa Uhuru zilainza jana  katika halnmashauri ya Mlimba iliyopo wilaya  ya Kilombero , na baadhi ya miradi iliyopitiawa  ni ujenzi  wa wodi ya Mama na Mtoto na Jengo la Upasuaji  katika Kituo  cha Afya Chita kilichopo  kata ya Chita.

Katika taaifa ya Mkurugenzi Mtendaji wa Halmashauri  hiyo , Mhandisi  Stephano Kaliwa iliyosomwa mbele ya  Kiongozi wa Mbio za Mwenge wa Uhuru 2023 Kitaifa,  Abdallah Shaib  Kaim ,  kuwa jengo la Mama na Mtoto ambalo bado ujenzi unaendelea hadi sasa zimetumika  Sh  milioni 150.

Kwa mujibu wa taarifa hiyo kuwa mradi huo ulianza kujengwa mwishoni mwa mwezi julai, 2022 na  umelenga kurahisisha na kusaidia huduma za Mama Wajawazito na kuondoa vifo vya Mama na Mtoto kwa wananchi wa kata ya Chita na maeneo ya jirani.

Akina mama walikuwa wanasafiri na kutembea umbali wa kilometa 21 kupata huduma za uzazi ama kujifungua kwa ngazi ya kituo cha  Chita.

Mwenge wa Uhuru  ukiwa katika mkoa wa Morogoro   utakimbizwa katika  halmashauri zote tisa za Wilaya hadi Mei 14 ,2023, na kukabidhiwa wa mkoa wa Pwani Mei  15, 2023 .

Habari Zifananazo

Back to top button